एजेन्सी, २८ चैत । सिरियाको कथित रासायनिक हमलाको प्रतिक्रियामा अमेरिकाले उठाउने भनेको सैन्य कदमलाई रोक्न रसियाले जोड दिएको छ ।
‘म पुन एकपटक तपाईहरुले विकास गरिरहनु भएको तत्कालको योजनालाई त्याग्न आग्रह गर्दछु ।’ मंगलबार संयुक्त राष्ट्रसंघका लागि रुसी प्रतिनिधि भ्यासली नेबेनजियाले भने ।
उनले सिरियामा अमेरिकी गैरकानुनी सैन्य अभियान ‘रुखो व्यवहार’ हुने बताए ।
तर पश्चिमा नेताहरुले डोमामा भएको कथित रासायनिक हमलाका जिम्मेवारहरुलाई लक्षित गर्न संयुक्त कार्वाही गर्नेमा सहमत भएका छन् ।
फ्रान्सेली राष्ट्रपति इमानुएल म्याक्रोनले सिरियाली सरकारको रासायनिक हतियार सुविधालाई लक्षित जुनसुकै हमला हुनसक्ने बताएका छन् ।
मस्कोको उक्त प्रतिक्रिया युएन सुरक्षा परिषदको एउटा विवादित वैठकमा आएको हो । उक्त बैठकमा कथित हमलाबारे नयाँ जाँचको माग राखिएको एउटा प्रस्ताव पारित हुन असफल भएको थियो ।
अमेरिकाले पेश गरेको उक्त प्रस्तावविरुद्ध रसियाले भिटो शक्ति प्रयोग गरेको थियो भने चीन मतदानबाट बाहिरीएको थियो । साथै मस्कोले पेश गरेको एउटा काउन्टर उपायको प्रस्तावमा पनि पारित हुन असफल भएको थियो ।
अमेरिकाले युद्धग्रस्त शहर डोमामा असद सरकारले गरेको भनिएको कथित रासायनिक हमलाबारे एउटा स्वतन्त्र छानबिनको आह्वान आफ्नो प्रस्तावमा गरेको थियो । तर सिरिया समर्थक रसियाले कुनै पनि रासायनिक हमलाबारे अस्वीकार गरेका थिए ।
रासायनिक हतियार प्रतिबन्धका लागि विश्व संगठन ओपिसिडब्ल्युलाई छोटो समयका लागि डोमामा प्रतिबन्धित हतियार प्रयोग भएको नभएको बारेमा छानबिन गर्न पठाइने बताइएको छ । तर ओपिसिडब्ल्युले हमलाका लागि को जिम्मेवार छ भन्नेजस्ता विषयसँग सम्बन्ध नराख्ने बताइएको छ ।
मंसिर १७, काठमाडौँ — उज्यालो नेपाल पार्टीकी केन्द्रीय सदस्य रीमा विश्वकर्माले निष्ठा, इमान्दारिता र परिवर्तनमुखी
मङ्सिर १६, मंगलबार । राष्ट्रिय ज्येष्ठ नागरिक महासङ्घले सामाजिक सुरक्षा भत्ता वृद्धि सहित ज्येष्ठ नागरिकमैत्री
१५ मंसिर २०८२, सोमबारनेपालमा सरकारी सेवा लिन चाहने जनसाधारणको अनुभव झनै निराशाजनक बन्दै गएको छ।
काठमाडौँ, मङ्सिर १४ गते । नेपाल विद्युत प्राधिकरणको अगुवाइमा सङ्खुवासभाको भोटखोला गाउँपालिकामा निर्माण हुने एक हजार
काठमाडौँ, मङ्सिर ११ । नेपाल राष्ट्र बैंकले एक सय रुपियाँ दरको नयाँ बैंक नोट आजदेखि
२०८२ मंसिर २, रुपन्देही । मजदुर नेता कमल गौतमको निधन भएको १९ दिन बितिसक्दा पनि
