विश्वकै महंगो शहरमा विवाह गर्दैछिन् सोनम कपुर

एजेन्सी,  २७  चैत – बलिउड अभिनेत्री सोनाम कपुर अहिले आफ्नो विवाहको तयारीमा जुटेकी छिन् ।

भारतीय क्रिकेट प्लेयर विराट कोहली र अभिनेत्री अनुष्का शर्माको विवाहपछि सोनामको विवाहको चर्चाले बलिउडकाे शहर ‘बि-टाउन’ तातिएको थियो । सुरुवातमा सोनामको विवाह समारोह राजस्थानको जोधपुर या उदयपुरमा हुने कुरा बाहिर आएको थियो तर अहिले आएर उनले पनि अनुष्का शर्माले जस्तै देशबाहिर विवाह गर्ने तयारी गरेकी छिन् ।

सोनमको विवाहको लागि देश बाहिरको सबैभन्दा महंगो शहर चुनिएको छ । वेभसाइट स्पाँटब्वाँइको अनुसार सोनम र उनका प्रेमी आनन्द आहूजाको विवाहको मिति र स्थान तय भैसकेको छ । उनको विवाह ९ देखि १२ मेको बीचमा विश्वकै सुन्दर देश स्वीटजरल्याण्डको मान्ट्रो शहरमा हुने भएको छ । सोनमको विवाहलाई लिएर स्वीस सरकारले पनि रुची देखाएको छ ।

सोनमको प्रेमी आनन्द भारतको फेसन ब्राण्डका युवा व्यवसायी हुन् ।

सोनम चाढै नै ‘वीरे दी वेडिंग’ मा देखा पर्दैछिन् । फिल्ममा उनीसँगै करिना कपुर र स्वरा भाष्कर प्रमुख भूमिकामा छिन् ।