शनिबार रिपोर्टर्सै क्लवको सााक्षत्कारमा मन्त्री ज्ञवालीले मित्रराष्ट्र भारत र चीनबाट नेपालमा उच्चस्तरीय भ्रमण हुने भन्दै नोपलबाट पनि ती देशमा समकक्षी भ्रमण हुने जानकारी दिए। ‘२०१८ मा भारतीय प्रधानमन्त्री नरेन्द्र मोदी आउनुहुन्छ, र चिनियाँ राष्ट्रपति सि जिन पिङ पनि आउनुहुन्छ, त्यसैगरि नेपालबाट पनि उच्चस्तरीय भ्रमण हुन्छन्’, उनले भने।

नेपालका लागि स्न २०१८ महत्वपूर्ण वर्ष हुनेभन्दै उनले अहिले आफूहरु द्विपक्षीय भ्रमणको तयारीमा रहेको जानकारी दिए। उनले भने, ‘हामी अहिले द्विपक्षीय उच्चस्तरीय भ्रमणको तयारीमा जुटेका छौं, गृहकार्यहरु भइरहेका छन्, दुवै मित्रराष्ट्रबाट नेपालमा उच्चस्तरीय भ्रमण हुन्छ।’

प्रधानमन्त्री केपी शर्मा ओलीले पनि चाँडै विदेश भ्रमण गर्ने भन्दै उनले आफूहरु भ्रमणको गृहकार्यमा जुटिसकेको जानकारी दिए।

‘प्रधानमन्त्री ओलीको पहिलो विदेश भ्रमण भारतबाटै सुरु हुन लागेको हो ?’ भन्ने पत्रकारको प्रश्नमा मनत्री ज्ञवालीले एकीन भएको भन्दै भारतबाटै पनि हुनसक्ने बताए। ‘यसबारेमा हामीले छलफल सुरु गरेका छौं, चीन र भारत जहाँ पनि हुनसक्छ’, उनले भने, प्रधानमन्त्री र राष्ट्रपति दुवै जना विदेश भ्रमणमा जानुहुन्छ, तर अहिले भ्रमण तालिका निश्चित भएको छैन्।’ 

भारतले नेपालसँग नयाँ ढंगले सम्बन्ध विकास गर्न खोजेको भन्दै मन्त्री ज्ञवालीले नेपाल पनि भारतसँग नयाँ खालको सम्बन्धको पक्षमा रहेको बताए।

त्यस्तै उनले चीनबाट पनि उच्चस्तरीय भ्रमण हुनेमा आफू पूर्ण आशावादी रहेको र सोही अनुसार अब गृहकार्य अघि बढाउने स्पष्ट पारे। उनले भने, ‘चीनको राष्ट्रपतिसँग मैले भेटेर यसअघि पनि कुरा गरेको छु, उहाँ नेपाल आउन सकारात्मक हुनुहुन्छ, चीन सकारात्मक छ।’

त्यस्तै उनले नयाँ सरकारले छिमेकीहरुसँग असल सम्बन्ध कायम गर्दै आर्थिक कुटनीतिलाई बढावा दिने विश्वास दिलाए। राजदुतहरुसँगको भेटलाई व्यवस्थित् गर्ने र परराष्ट्रमन्त्रालयलाई जीवन्त संस्थाको रुपमा स्थापित् गर्न आफूले सशक्त भूमिका खेल्ने उनको भनाई थियो।मन्त्री ज्ञवालीले छिमेकीहरुसँग असल, सन्तुलित र पारस्परिक लाभ हाँसिल गर्ने रुपमा सम्बन्ध प्रगाढ बनाईने बताए। उनले थपे ,‘भारत र चीन दुवैसँग हामी प्रगाढ सम्बन्ध कायम गर्छौं, नेपाल कुनैपनि छिमेकीको अहितमा छैन, कसैको विरुद्धमा नेपाली भूमि प्रयोग हुन दिँदैनौं।’

राष्ट्रिय राजनीतिका सभन्दर्भमा कुरा गर्दै मन्त्री ज्ञवालीले सरकारले छिट्टै पूर्णता पाउने र फोरम र राजपा पनि सरकारमा सहभागी हुने बताए। राजपा र फोरम दुवै सरकारमा सहभागी हुने कुरामा आफू विश्वस्त रहेको भन्दै उनले सरकार सबैलाई समेटेर अगाडि बढ्न तयार रहेको बताए।

सरकारको पहिलो प्राथमिता नै विकास र समृद्धि भएको हुँदा त्यसै अनुरुप अगाडि बढ्ने जानकारी दिए।