नयाँ गृहमन्त्रीको स्वागतका लागि गृहमन्त्रालय परिसरमा तयारी भइसकेको थियो। उनको स्वागतमा लामवद्ध भएका मन्त्रालय अधिकारी, तीन वटै सुरक्षा निकाय र पाँचवटै विभागका वरिष्ठ अधिकारी एकअर्कासँग थापा कस्ता खालका नेता हुन् भनेर चर्चा गरिरहेका थिए। कोही कानेखुसी गर्थे भने कोही खुलेआम छलफलमा देखिन्थे।
स्वागतका लागि लामवद्ध रहेका सुरक्षा अधिकारी सबै थापासँग अपरिचित थिए। सबैले उनलाई स्वागत गर्दै आफ्नो नाम र दर्जा बताए। उनले मुस्कुराउदै टाउको हल्लाए केही प्रतिक्रिया जनाएनन्। यसअघि मन्त्रीको स्वागतका लागि लाइन बसेकाहरुमध्ये कतिपय निकट भइसकेका र चिनजानकै पनि हुने गर्थे। सोमबार गृह मन्त्रालयमा थापा प्रवेश गर्नुअघि त्यस्तो कर्मचारी एक जना पनि देखिएन।पद भार ग्रहणपछि गृहमन्त्री थापाले कर्मचारीलाई छोटो निर्देशन दिए। उनले भने पूर्ववर्ती सरकारले गरेका असल कामले निरन्तरता पाउने र खराब कामलाई अस्वीकार गरिने जनाए।
‘देशले विकास र सम्वृद्धि चाहेको छ। यसका लागि शान्ति र सुशासन आवश्यक छ। हामी मिलेर यो ऐतिहासिक अवसरको सदुपयोग गरौं’, उनले भने। नवनियुक्त गृहमन्त्री रामबहादुर थापा बादलले यसो भनिरहदा उनको स्वागतमा उपस्थित गृहका अधिकारी तथा सुरक्षाकर्मीको अनुहार केही पर्खिरहे झै देखिन्थ्यो। उनले भन्न चाहेको बिषय र प्रसंग ठाडो निर्देशन र लोकप्रिय भाषण सुनिरहेका गृहका अधिकारीका लागि केही फरक थियो।
करिब १२ मिनेट लामो सम्बोधनका क्रममा उनले आफू पढेको रसिया, युक्रेन र विकासको उदाहरण बनेको सिंगापुरको जोडेका थिए। उनले देशलाई विकास आवश्यक रहेको त्यसका लागि शान्ति–सुरक्षा पहिलो मापदण्ड भएको उनले पटक पटक दोहाेर्याए।
गृहमन्त्रीका रुपमा उनले सुरक्षा संगठनलाई विश्वको नमूना र उदाहरणिय बनाउने प्रतिवद्धता जनाए। सुरक्षा संगठनको विकास र आधुनिकीकरणका लागि आफ्नो सकारात्मक भुमिका रहने उनको भनाइ थियो। ‘विश्वले हाम्रो सुरक्षा संगठनबाट केही सिकोस, त्यस्तो व्यवसायीकता र आधुनिक बनाउन यहाँहरुको सहयोग र साथ आवश्यक छ’, उनले भने।
पहिलो निर्णय : अध्यागमन सुर्धान नीति बनाउने तयारी
नवनियुक्त गृहमन्त्री रामबहादुर थापा बादलले मानव तस्करसँगको सेटिङका कारण बद्नाम बनेको अध्यागमन सुधारका लागि आवश्यक सुझावसहितको नीति बनाउन कार्यदेश पत्रमा हस्ताक्षर गरेका छन्। उनले अध्यागमन नीति निर्माणका लागि पाँच सदस्यीय कार्यदल बनाउने निर्णय समेत गरे। कार्यादेशमा अध्यागमन व्यवस्थापन सुधार र अन्तर्राष्ट्रिय मापदण्डअनुसार बनाउन अध्यागमन नीतिको मस्यौदासहित सुझाव दिन लागि कार्यदल गठनको ओदश समावेश छ।
गृहको नीति योजना तथा कार्यक्रम महाशाखा प्रमुख सहसचिव केदार न्यौपानेको नेतृत्वमा पाँच सदस्यीय कार्यदल बनेको हो। गृह प्रवक्ता सहसचिव नारायणप्रसाद शर्मा दुवाडीले अध्यागमन विभागको काम कारवाहीलाई अझै प्रभावकारी र चुस्तदुरुस्त बनाउन आवश्यक सुझावसहितको नीति निर्माणका लागि कार्यदल बनेको बताए। उनले नेपालको अध्यागमन ब्यवस्था सुधारका लागि समेत कार्यदलले सुझाव सहितको नीति मस्यौदा बनाउने बताए।
दुवाडीका अनुसार‘अध्यागमनको सुधारका लागि अन्तर्राष्ट्रि व्यवस्था अनुसारको नीति मस्यौदा बनाउने कार्यदेशमा हस्ताक्षर गर्नु भएको हो, सहसचिवको नेतृत्वमा आजकै मितीबाट काम सुरु भएको छ,’।
भिडियाे
