राजपाकै डिम्पल झाले मधेसका सहीदको तस्विर नराखेसम्म बैठक अघि नबढ्ने बताएर सांसदहरु आ—आफ्नो स्थानबाट उठेका थिए। एमाले सांसदहरुले भने संसद अवरुद्ध गर्न नपाउने बताएका थिए।
सभामुख ललन चौधरीले अर्को बैठकमा मधेस आन्दोलनका सहीदहरुको तस्विर झुन्ड्याउन रुलिङ गरेपछि बैठक सुचारु भएको थियाे। ७७ वर्षीय चौधरीले ज्येष्ठ सदस्यको हैसयितमा बैठक सञ्चालन गरेका हुन्। अर्काे बैठक माघ २९ गतेका लागि बाेलाइएकाे छ।
प्रदेश सभामा प्राप्त सिट संख्याका आधारमा अाइतबार बाेल्ने समय उपलब्ध गराइएकाे थियो। जसअनुसार संघीय समाजवादी फोरम सांसदहरूले सबैभन्दा बढी १४ मिनेट बाेल्ने समय पाएका थिए। राजपालाई १२ मिनेट, एमालेलाई १० मिनेट, काँग्रेसलाई ९ मिनेट, माओवादीलाई ६ मिनेट र संघीय समाजवादी पार्टी तथा स्वतन्त्र विधायकलाई ४ मिनेटको दरले बोल्ने समय मिलाइएकाे थियो।
रोष्टमलाई फूलमाला, लाइभ हेरेर चित्त बुझाए सर्वसाधारणले
पहिलो बैठक सभाहललाई दुलही जसरी सिँगारिएको थियाे। सभाहलको मूल गेटमै मिथिला आर्ट राखिएको छ। प्रदेश सभाकै पहिलो बैठक भएकाले रोष्टममा फूलमालाले सजाइएको छ। सभाहलभित्र स्थान अभाव भएकाले प्रदेशसभाको ऐतिहासिक बैठक हेर्न आउने सर्वसाधारणले प्रदेश सभा भवनअगाडि प्रत्यक्ष प्रसारण हेरेर चित्त बुझाएका छन्।
