२०७४ पौष ९, आइतबार ,

काठमाडौं । नेकपा एमालेका अध्यक्ष केपी शर्मा ओलीले आफू गाई भैँसी चराएर हुर्किएको व्यक्ति भएकाले कहिले पनि दम्भ नदेखाउने बताएका छन् । नेपाली कांग्रेसका संस्थापक कृष्णप्रसाद भट्टराईको ९४ औं जन्मदिनको अवसर पारेर बाडेगाउँमा गरिएको कार्यक्रममा उनले यस्तो बताएका हुन् ।

“म गाई भैँसी चराएर हुर्किएको व्यक्ति हुँ । म मा शासकीय स्वभाव केही पनि छैन । शासक हुने होइन, सेवक हुने हो । मलाई कतै दम्भ देखाउन छैन । हलो जोतेको मान्छेको छोरो हुँ र हलो जोतेकै मान्छे हुँ । मैले के को दम्भ देखाउनु नि ? मेरो ध्यान अब विकासमा हुन्छ ।”

उनले सत्तापक्ष र प्रतिपक्षसँग आपसमा दम्भ देखाउनु आवश्यक नरहेको बताए ।

“गाई भैँसी चराएर हुर्किएको हुँ । म कोदालो खनेको मान्छे हुँ । मसँग केको दम्भ हुन्छ र ?,” उनले भने, “आफ्नो बारीको साग आफैं टिपेर खाने मान्छे हुँ ।”

उनले आफुले सम्पूर्ण इमानका साथ काम गर्ने बताए । “राजनीतिमा यस्तो त भैहाल्छ भनेर पनि भन्दिनँ । मेरो परिभाषामा बेइमानी हुँदैन,” ओलीले भने ।

उनले किसुनजीसँग आफ्नो कुनै पनि हिसावमा तुलना हुनै नसक्ने धारणा राखे । “मेरो उहाँसँग कुनै रुपमा तुलना हुनै सक्दैन,” उनले भने, “राणा शासनबाट नयाँ युगमा प्रवेश गराउने उहाँहरु नै हो । मैले उहाँसँग संसद्मा सँगै बस्ने मौका पाएँ । साह्रै खुला व्यक्ति हुनुहुन्थ्यो ।”

उनले चुनावको परिणामप्रति संकेत गर्दै भने, “खेलको रिङभन्दा बाहिर आएपछि पनि किन हानिस् भन्न पाइँदैन