पुस ८ : दक्षिणी फिलिपिन्समा आँधीका कारण १०० जना भन्दा बढीको ज्यान गएको छ।
आँधीपछि आएको बाढी र पहिरोमा दर्जनौं हराइरहेको अधिकारीहरुले बताएका छन्। टेम्बिन नामक आँधीले मिन्डनाओ टापुका कैयौँ भागमा बाढी तथा पहिरो निम्त्याएको छ।
टुबोड र पिआगापो शहर सबभन्दा बढी प्रभावित भएका छन्। सयौं घरहरु ढुंगाले पुरिएका बिबिसीले जनाएको छ।
‘पुरिएका ठाउँबारेको यकिन अवस्था हामीले अझै बुझिसकेका छैनौं। यसबारे निश्चित गर्न हामी काम गरिरहेका छौं,’ टुबोडका अधिकारी र्यान काबुसको भनाइ उद्धृत गर्दै ‘दी गार्डियन’ अखबारले लेखेको छ।
आँधीका कारण ५० हजारभन्दा बढी विस्थापित भएका छन्। घटनास्थलमा उद्धारकर्मी खटिएका छन्। उनीहरुले केही शव बाहिर निकालेका छन् भने, महिला, बालबालिकालगायतका घाइतेलाई उद्धार गरिरहेको छ ।
टेम्बिन आँधी पश्चिमतर्फ अघि बढ्नुअघि प्रतिघण्टा ८० किलोमिटर वेगको थियो। आँधी अहिले मिन्डनाओ टापु पार गर्दै दक्षिणी पालावनतर्फ बढिरहेको छ।
फिलिपिन्समा हरेक वर्ष झण्डै २० वटा आँधी आउने भए पनि मिन्डनाओ क्षेत्र खासै प्रभावित हुनेमा नपर्ने गरेको पनि अधिकारीहरुले बताएका छन्। यसपटकको आँधीमा भने यहाँ ठूलो क्षति भएको हो।
विभिन्न ठाउँमा गरी करिब १०० जनाभन्दा बढीको ज्यान गइसकेको त्यहाँका प्रहरीले जनाएका छन्। नदीमा पानीको वहाव बढेपछि सिंगै गाउँ बगाएको छ।
एक हप्ताअघि मात्रै काइ टाक नामक आँधीका कारण मध्य फिलिपिन्समा दर्जनौं मानिसको ज्यान गएको थियो। एजेन्सी
भदौ १८,कम्पाला । युगान्डा प्रहरीले पूर्वी अफ्रिकी राष्ट्रमा भ्रष्टाचारको विरोधमा जुलुस निकाल्ने क्रममा सोमबार राजधानी कम्पालामा
टोकियो, असार १३ गते । जापानी वैज्ञानिकले मानव कोषहरूको प्रयोग गरेर जीवित छालाजस्तै देखिने आवरणसहितको रोबोटको
“अबको योगको गन्तव्य बिश्व योगगुरुदेश नेपाल” पीपुल नेपाल न्यूज जेठ ९ काठमाण्डौं । विश्वशान्ति
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
काठमाडौँ, फागुन ११ गते । अवैध बाटो प्रयोग गर्दै अमेरिका पुगेका आठ जना नेपालीलाई अमेरिकाले नेपाल
मङ्सिर ८,गाजापट्टी । इजरायल–हमास युद्धमा चारदिने युद्धविराम शुक्रबारदेखि लागू भएको छ । हजारौंको ज्यान लिने
