बलिउडका चर्चित अभिनेताको आम्दानी

मुम्बई– विश्व प्रसिद्ध म्यागेजिन फोर्सले सबैभन्दा बढी कमाई गर्ने अभिनेताको सूचि सार्वजनिक गरेको छ । बलिउडको लागि खुसीको कुरो यो छ कि उक्त सूचिमा बलिउडका तीन अभिनेता उत्कृष्ट १० भित्र परेका छन् । जसको ८ औं स्थानमा शाहरुख खान, ९ औं स्थानमा सलमान खान र १० औं स्थानमा अक्षयकुमार परेका छन् । अघिल्लो बर्ष फोर्सको सुचिका सबैभन्दा बढी कमाउ अभिनेताको सूचिमा बलिउडका तीन खान अर्थात शाहरुख, सलमान र अमिर परेका थिए । बलिउडका अन्य केही कलाकार कमाइको मामिलामा अहिले पनि अगाडि रहने गरेका छन् । बलिउड कलाकारको कमाई आज हामीले चर्चाको बिषय बनाएका छौ । 

सलमान खान : २०१६ मा सलमानले बलिउड अभिनेता मध्य सबैभन्दा धेरै कमाइ गरेका छन् । उनले यो वर्ष एक चलचित्रका लागि ६० करोड समेत शुल्क लिएका थिए ।
 

अमिर खान : अमिर खान २०१६ मा दोस्रा स्थामा रहेका थिए । उनले एक चलचित्रका लागि ५० करोड शुल्कसम्म लिएका थिए ।
 

शाहरुख खान : शाहरुले पनि बढि पैसा लिने अभिनेताको सूचिमा सधै पर्ने गरेका छन् । उनले एक चलचित्रका लागि ३० देखि ४० करोडसम्म लिने गरेका छन् ।
 

अक्षय कुमार : एक्सन हिरो अक्षयकुमार वर्षमा धेरै ट्याक्स भर्ने अभिनेतामा पनि पर्ने गरेका छन् । उनले एक चलचित्रका लागि ४० देखि ४५ करोड सम्म लिने गरेका छन् ।
 

रिलिक रोशन : कम चलचित्रमा काम गर्ने अभिनेता रितिक रोशन हुन् । उनले चलचित्र मोहनजोदारोका लागि ५० करोर्ड फिस लिएका थिए । उनी हर चलचित्रमा ४० करोर्ड भन्दा बढि फिस लिने गरेका गर्दछन् ।
 

अजय देवगन : बलिउडमा अजय देवगनको फिस लिने तरिका अन्य अभिनेता भन्दा फरक छ । उनी हरेक चलचित्रका लागि २२ देखि २५ करोडसम्म लिने गर्दछन् ।  
 

रणबिर कपुर : बलिउडका क्युट हिरो रणबीर कपुरले २०१६ मा एक चलचित्रको २५ करोर्ड शुल्क लिएको रेकड छ ।
 

रणबिर सिंह : रणबिर सिंह बाजीराव मस्तानीका कारणले चर्चित छन् । यो चलचित्रले उनको डिमान्ट पनि निकै बढाएको छ । २०१६मा उनले एक चलचित्रको २० करोड लिएको रेकर्ड छ ।
 

शाहिद कपुर : शाहिदले २०१६ मा धेरै कमाइ गरेका छन् । उनले एक चलचित्रका लागि १५ देखि १८ करोडसम्म लिएको रेकर्ड छ ।

एजेन्सी