उत्तर कोरियाले गरेको मिसाइल परीक्षण खस्यो जापानी समून्द्रमा

१३ भदौ, एजेन्सी – उत्तर कोरियाले विभिन्न प्रतिबन्धको सामना गरेपनि फेरि मिसाइल परीक्षण गरेको छ । जापान सरकारले उत्तर कोरियाले प्रहार गरेको मिसाइल आफ्नो उत्तरी क्षेत्रमाथिबाट समुद्रमा खसेको जनाएको छ ।

यसअघि जमिनमाथिबाट कुनैपनि मिसाईल परिक्षण गरिएको थिएन । उत्तरले गरेको मिसाइल परिक्षणले दुई देशबीचको तनाब बढेको छ । स्थानीय समय अनुसार आज बिहान उत्तर कोरियाले जापानको जमिनमाथिबाट जाने गरी मिसाइल प्रहार गरेको बीबीसीले जनाएको छ ।

जापानले मिसाइल ध्वस्त पार्नका लागि केहि पनि प्रयास नगरेको अधिकारीहरुले बताएका छन् । मिसाइलले जापानको उत्तरी होकाइडोबाट पूर्व झण्डै तीन हजार किलोमिटरको दुरी तय गरेको थियो । मिसाइल समुद्रमा खस्नुअघि तीन टुक्रा भएको थियो ।

शनिबार उत्तर कोरियाले पूर्वी तटीय क्षेत्रबाट तीनवटा छोटो दूरीका मिसाइल परीक्षण गरेको थियो । उत्तर कोरियाले पछिल्लो ८ वर्षमा धेरै प्रकारका मिसाइल परीक्षण गरेको छ । तर जापानको माथिबाट जाने गरी मिसाइल परीक्षण गरेको यो पहिलो पटक हो ।

जापानी प्रधानमन्त्री सिन्जो आवेले नागरिकको जीवन सुरक्षित राख्न सबैप्रकारका प्रयास थालिने बताएका छन । त्यस्तै जापानी अधिकारीले उत्तरलाई उचित कदम चाल्ने चेतावनी दिएका अन्तर्राष्ट्रिय सञ्चार माध्यमले जनाएका छन ।