April 4, 2017

अमेरिकाले एक्लै उत्तर कोरियालाई तह लगाउने

पोटोम्याक फल्स (अमेरिका):

संयुक्त राज्य अमेरिकाका राष्ट्रपति डोनाल्ड ट्रम्पले चीनले उत्तर कोरियालाई परमाणु कार्यक्रम नरोकेमा अमेरिका एक्लैले रोक्‍ने चेतावनी दिएका छन् । फाइनान्सियल टाइम्सलाई दिएको अन्तर्वार्तामा ट्रम्पले भनेका छन्, ‘चिनियाँ राष्ट्रपति सी जीङ पिङको आगामी अमेरिका भ्रमणका बेला उत्तर कोरिया बारेको मुद्दामा बहस हुनेछ ।’आजको अन्नपूर्ण पोष्टमा खबर छ।
साउथ फ्लोरिडामा सीलाई आगामी बिहीबार ट्रम्पले स्वागत गर्दै छन् । बृहस्पतिवार र शुक्रवार हुने बैठकमा सी र ट्रम्पबीच उत्तर कोरिया, व्यापार र दक्षिण चीन सागरमा उत्पन्न क्षेत्रीय विवाद समेत कैयौं मुद्दामा छलफल हुने बाइएको छ । यसका साथै उनले उत्तर कोरियामाथि चीनको विशेष प्रभाव रहेको जिकिर गरेका छन् । उनले भनेका छन्, ‘चीनले उत्तर कोरियालाई सम्झाउनुपर्छ, नत्र अमेरिका उत्तर कोरियाविरुद्ध एक्लै पनि कारबाही गर्न तयार हुन्छ ।’

ट्रम्पले चेतावनी दिँदै भने, ‘चीनले यस बारेमा हाम्रा लागि चीनले मद्दत गरेमा राम्रो हुनेछ तर नगरेमा कसैका लागि पनि राम्रो हुने छैन ।’ चीनको सहयोग नभएमा के गर्नुहुन्छ भन्ने प्रश्नमा उनले आफू विगतको अमेरिका जस्तो नभएर एक्लै केही गर्न सक्ने बताए । विगतमा अमेरिकाले पश्चिम एसियामा यस्तो गर्नेछु उस्तो गर्नेछु भनेजस्तो आफूले हल्ला नगर्ने उनको भनाइ थियो ।

यस्तै अमेरिकी राष्ट्रपतिको कार्यालय ह्वाइट हाउसका अनुसार उत्तर कोरिया अमेरिकाको लागि सबैभन्दा खतरा भएको ट्रम्पको भनाइ छ । यसअघि पूर्वराष्ट्रपति बाराक ओबामाले पनि उत्तर कोरिया अमेरिकाका लागि बाधक रहेको बताउँदै आएका थिए ।ह्वाइट हाउसका उपराष्ट्रिय सुरक्षा सल्लाहकार केटी म्‍याक फ्यालेन्डले समेत फाइनान्सियल टाइम्सलाई अन्तर्वार्ता दिँदै अमेरिका उत्तर कोरियामा परमाणु हमला गर्न सक्षम रहेको बताएका छन् ।
सरकार परिवर्तन सम्भव छैन: उत्तर कोरिया
प्योङयाङ : उत्तर कोरियाको सरकारी केन्द्रीय समाचार संस्था (कोरियन सेन्ट्रल न्युज एजेन्सी) ले अमेरिकी दैनिक ‘द वाल स्ट्रिट जर्नल’ द्वारा प्योङयाङको आणविक कार्यक्रम विकास नियन्त्रणका लागि अमेरिकाले सत्तापलट गर्ने भनाइको खण्डन गरेको छ ।
न्युज एजेन्सीले मार्च २७ मा उत्तर कोरियामा नेतृत्व परिवर्तन गर्न र आणविक कार्यक्रम नियन्त्रण गर्न अमेरिकी पत्रिकाद्वारा दिएको नीतिगत सुझाव ‘नालायक’ भएको जनाएको छ । उत्तर कोरियाले यस भनाइलाई अर्थहीन कुराका रूपमा लिएको बताउँदै प्योङयाङको आणविक बलसहितको सैनिक शक्ति लेबर पार्टीको केन्द्रविन्दु भएको भन्दै सबै उत्तर कोरियाली जनता यसमा एकताबद्ध रहेको समाचार संस्थाले जनाएको छ ।
यो वास्तविकतालाई अमेरिकाले बुझ्न नसकेको बताउँदै यसैकारण अमेरिकाले विगत केही दशकमा सैनिक असफलता बेहोर्नु परेको प्योङयाङको भनाइ छ ।

प्रतिक्रिया दिनुहोस्
सम्बन्धित वर्गका समाचारहरू

परराष्ट्रमन्त्री डा. आरजु राणाद्वारा जलवायु वित्त र दिगो कृषि प्रणालीमा अन्तर्राष्ट्रिय सहयोगको आग्रह

असार १७, काठमाडौं ।परराष्ट्रमन्त्री डा. आरजु राणा देउवाले जलवायु परिवर्तनबाट प्रभावित मुलुकहरूका लागि जलवायु वित्त

अन्तर्राष्ट्रिय वित्तीय प्रणालीको सुधारमा प्रधानमन्त्री ओलीको जोड

सेभिया (स्पेन), असार १६ – प्रधानमन्त्री केपी शर्मा ओलीले अन्तर्राष्ट्रिय वित्तीय प्रणाली सुधारको आवश्यकतामा विशेष

बन्द भएको अमेरिकी कारागार अल्काट्राजको पुनः खोल्न ट्रम्पको आदेश

 वैशाख २३  । अमेरिकी राष्ट्रपति डोनाल्ड ट्रम्पले आइतबार अधिकारीहरूलाई अल्काट्राज कारागार पुनर्निर्माण र पुनः खोल्न निर्देशन

ट्रम्पको कर दृष्टिकोण बुझ्न कठिन छ : जापानी प्रधानमन्त्री

टोकियो, चैत १५ गते । जापानी प्रधानमन्त्री शिगेरु इशिबाले शुक्रबार अमेरिकी राष्ट्रपति डोनाल्ड ट्रम्पको आयातित कार

भारतीय अन्तरिक्ष मिशन स्स्पाडेक्स उपग्रहको सफलतापूर्वक ‘अनडकिङ’ पूरा

नयाँ दिल्ली, चैत १ गते । भारतीय अन्तरिक्ष अनुसन्धान सङ्गठन (इसरो) ले ‘स्पेस डकिङ’ (स्पाडेक्स) मिशनअन्तर्गत

वैदेशिक रोजगार विभागले शुरु गर्यो निःशुल्क कानुनी सहायताको व्यवस्था

 फागुन २,काठमाडौँ,। वैदेशिक रोजगार विभागले निःशुल्क कानुनी सहायता तथा सहजीकरणका लागि छुट्टै कक्षसहितको कानुनी सहायता अधिकृतको