फिलिपिन्सको राजधानी मनिलास्थित रिजाल मेमोरियन स्टेडियममा आज साझ पौने ६ बजेदेखि सुरु हुने खेलमा सुरुवाती टोलीमा नेपालका नियमित कप्तान बिराज महर्जन हुनेछैनन् ।
बिराजलाई आराम दिइएको छ । उनको अनुस्थितिमा भरत खवासले नेपालको कप्तानी गर्ने सम्भावना छ ।
फिलिपिन्सबिरुद्ध खेल्ने नेपाली सुरुवाती टोलीमा गोलरक्षक किरणकुमार लिम्बु, डिफेण्डरहरु रविन श्रेष्ठ, कमल श्रेष्ठ, आदित्य चौधरी र अनन्त तामाङ, मिडफिल्डरहरु रोहित चन्द, बिक्रम लामा, अञ्जन बिष्ट र सुजल श्रेष्ठ तथा स्ट्राइकरमा बिमल घर्तीमगर र भरत खवास छन् ।
नेपाल र फिलिपिन्सबीच भएका पछिल्ला ४ खेलमा नेपालले १ खेल जितेको छ । पछिल्लो समय २०१५ अक्टोवरमा कतारमा भएको अन्तर्राष्ट्रिय मैत्रीपूर्ण खेलमा फिलिपिन्स ३-० गोलले बिजयी भएको थियो ।
