म राजनीतिमा रहुन्जेल उथलपुथल भइरहन्छ:प्रचण्ड

फागुन २१, काठमाडौं। प्रधानमन्त्री पुष्पकमल दाहाल ‘प्रचण्ड’ ले नेपाली राजनीति पुनः नयाँ मोडमा आइपुगेको भन्नुहुँदै आफू रहुन्जेल नेपाली राजनीतिमा उथलपुथल कायमै रहने बताउनुभएको छ ।

सहिद प्रतिष्ठान नेपालद्वारा सोमबार आयोजित सहिद सप्ताहको कार्यक्रममा उहाँले सो कुरा बताउनुभएको हो । प्रतिष्ठानले सप्ताहको अवसरमा ‘शान्ति प्रक्रिया, सङ्घीय लोकतान्त्रिक गणतन्त्र र आजको राजनीति’ विषयक अन्तरक्रिया कार्यक्रम आयोजना गरेको थियो ।

धेरैले आफूलाई बुझ्न नसकेको र अनप्रेडिक्टेबल नेता भनेर विश्लेषण गर्ने गरे पनि आफू त्यस्तो नरहेको उहाँले बताउनुभयो । परिस्थितिलाई ध्यान दिँदै आफूले कदम चाल्ने गरेको र प्रतिक्रियावादीले आफूलाई घेराबन्दी गरेकै दिन लात्ती हानेर आफू बाहिरिने गरेको उहाँको भनाइ छ ।

कम्युनिस्ट शक्तिहरूले ठोस परिस्थितिको ठोस विश्लेषण गर्न नसक्दा पटक–पटक समस्यामा पर्ने गरेको चर्चा गर्नुहुँदै प्रधानमन्त्री प्रचण्डले भन्नुभयो, “आज नयाँ क्रमभङ्गको दिन बनेको छ, सहिदको सपना पूरा गर्ने सङ्कल्प लिने दिन भएकाले सबै शक्ति एक ठाउँमा आउनुको विकल्प छैन ।”

आफूहरूले बृहत् कम्युनिस्ट एकताको पहल गरिरहेको चर्चा गर्नुहुँदै प्रधानमन्त्री प्रचण्डले त्यसका लागि सबै कम्युनिस्ट शक्तिलाई तयार रहन आग्रह गर्नुभयो । शान्ति प्रक्रिया टुङ्गो लगाउने काम भइरहेको र त्यो सङ्कल्प पूरा गरेर छाड्ने उहाँले प्रतिबद्धता व्यक्त गर्नुभयो । क्रान्तिको बाटो कहिल्यै राजमार्गजस्तो सोझो नरहेको प्रधानमन्त्री प्रचण्डले बताउनुभयो । सशस्त्र युद्ध सुरु भएदेखि हजारौँ सहिद भइसकेको र अझै पहिचान हुन बाँकी रहेकालाई सहिद घोषणाको काम जारी रहेको उहाँले बताउनुभयो ।

प्रतिक्रिया दिनुहोस्
सम्बन्धित वर्गका समाचारहरू

बालबालिकालाई विद्यालयमा भर्ना गर्न प्रधानमन्त्रीको आह्वान

वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना

सम्पत्ति शुद्धीकरणसम्बन्धी विधेयक राष्ट्रपतिद्वारा प्रमाणीकरण

काठमाडौं, चैत ३० गते । राष्ट्रपति रामचन्द्र पौडेलले सम्पत्ति शुद्धीकरण सम्बन्धी ऐनलाई संशोधन गर्न बनेको विधेयक

बागमती नगर प्रमुखविरुद्ध पाँच करोडको भ्रष्टाचार मुद्दा

 चैत २८, काठमाडौँ । अख्तियार दुरुपयोग अनुसन्धान आयोगले सर्लाही, बागमती नगरपालिकाका प्रमुख भरतकुमार थापाविरुद्ध विशेष अदालतमा

बजेटमा समेट्नैपर्ने विषय

खिमलाल देवकोटा  २५ चैत २०८०, आइतबार नेपालको संविधानको धारा ११९ को उपधारा ३ बमोजिम नेपाल

लुम्बिनीका मुख्यमन्त्री चौधरीले विश्वासको मत लिँदै

तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने

एसईईमा वञ्चित भएकालाई परीक्षा दिने व्यवस्था मिलाइन्छः शिक्षामन्त्री श्रेष्ठ

काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित