युवाहरुमाथि प्रहरीले बोल्न नदिएर मुख थुनेको विषयमा सरकारसँग जवाफ माग

८ चैत,काठमाडौं । राष्ट्रिय सभा सांसद डा. विमला राई पौड्यालले मंगलवार बानेश्वरमा युवाहरुमाथि प्रहरीले बोल्न नदिएर मुख थुनेको विषयमा सरकारसँग जवाफ माग गरेकी छन्।

मंगलवार एक कार्यक्रममा तीन जना युवाले प्रधानमन्त्रीविरुद्ध नाराबाजी गरेपछि प्रहरीले अमानवीय तरिकाले उनीहरुको मुख थुनेर बोल्न दिएको थिएन भने उनीहरुलाई पक्राउ समेत गरेको थियो। सोही विषयमा आज सांसद पौड्यालले सरकारको जवाफ माग गरेकी हुन्।

उनले “युवाहरु बोल्न खोजेका बेलामा प्रहरीहरुले उनीहरुको जबरजस्ती मुख थुनेको र घाँटी न्याकीरहेको देखिएको भन्दै नागरिकले बोल्न पाउने अधिकारमाथि प्रहरीले ज्यादती गर्नुको कारण खोजेकी हुन्। उनले संविधानले स्वतन्त्रतापूर्वक विचार राख्न पाउने बोल्न पाउने अधिकार सबै नागरिकलाई दिएको भन्दै उनले मुख थुन्ने प्रहरीलाई गृह मन्त्रालयले कारबाही गरेको छ की छैन? भन्दै प्रश्न गरिन्।”