दुबईमा युवाहरूलाई अलपत्र पार्ने मेनपावरका विरुद्ध उजुरी

२७भदौ,काठमाडौं ।
दुबईमा बिगत ६ महिनादेखि दर्जनौं युवाहरूलाई अलपत्र पार्ने काठमाडौको सिनामंगलमा रहेको Leading Foreign Recruitment Pvt.ltd नाम गरेको मेनपावरको विरुद्ध पीडित युवाहरूको आफन्तले सोमबार वैदेशिक रोजगार बिभागमा उजुरी दर्ता गरेका छन।

‘फ्री भिसा फ्री टिकट’ को कामदार भिसामा जनही २ लाख ५० हजार देखि ३ लाख ५० हजार सम्म लिएर ३ हजार दिराम पारिश्रमिक दिलाउने प्रलोभन देखाउंदै Leading Foreign Recruitment Pvt.ltd ले बिगत ६ महिना अगाडी ती युवाहरूलाई दुबई पठाएको पीडित युवाहरुको भनाइ रहेको छ ।

‘मेनपावरले पुगेको एकदेखी दुई महिना भित्रमा लाईसेन्स बन्छ र त्यसपछी सहज तरिकाले काम पाईन्छ भन्ने आश्वासन दिलाएर  लगेको तर ६ महिनासम्म काम र तलब पाउनुत परको कुरा खानाको लागि पनि  नेपाल बाट पैसा पठाउने गरेको पीडित रोशन मण्डलको दाइ ताराकान्त मण्डलले जानकारी दिए ।’

‘हामीले मेनपावरलाई धेरैनै अनुरोध गर्‍यौं तर मेनपावरले पर्ख र भोलि भन्दै ढांट्ने काम मात्रै गरेकोले हाम्रो सम्पुर्ण विकल्पहरु सकिएको कारण अब हाम्रा परिवारजनलाई नेपाल झिकाउन पहल गरिदिन वैदेशिक रोजगार बिभाग समक्षा आउन बाध्य भएको पीडित विशाल बि.क को आफन्त बिष्णुकुमारी बिकले बताएकी छिन् ।’

काम र तलब नदिएकोले नेपाल झिकाई पाउं भन्ने बिषयमा लेखिएको निवेदनमा उल्लेख गरिएको छ।हाम्रा मानिसहरु लाई  Leading Foreign Recruitment Pvt.ltd ले वैदेशिक रोजगारमा युयई पठाएकोमा काम र तलब समेत नदिएको,खान बस्न समेत नदिई अलपत्र पारेको हुंदा,नेपाल स्थित मेनपावरले समेत दिलाउन नसकेको हुंदा यस कार्यालयको शरणमा आएका छौँ।