एमाले दधिकोटको घरदैलो सम्पन्न,बालेनको लौरो किरण थापालाई हस्तान्तरण(फोटोफिचर)

२६ कार्तिक,भक्तपुर । लौरो अभियान्ता एवं लौरो चुनाव चिन्ह लिएर भक्तपुर २ प्रदेश (क) का उम्मेदवार उद्धव घिमिरेले आफ्नो चुनाव चिन्ह लौरो नेकपा एमाले भक्तपुर २ प्रदेश (क) का उम्मेदवार किरण थापालाई हस्तान्तरण गरेका छन ।                   

नेकपा एमाले सुर्यविनायक नगरपालिका वडा नं. ४ निर्वाचन परिचालन कमिटिको आयोजनामा आयोजित घरदैलो कार्यक्रमामा घिमिरेले नेकपा (एमाले) भक्तपुर २ प्रदेश (क) का उम्मेदवार किरण थापालाई समर्थन गर्दै लौरो हस्तान्तरण गरेका हुन ।               

‘देशलाई समृद्ध र सुखी बनाउने,जनताको इच्छा,चाहाना र समाजको हितको लागि काम गर्ने ब्यक्ति विचार मात्रै होईन राष्ट्र विचार हो । विश्व विचार हो । त्यसैले विगतमा गरेका कामहरुलाई सम्मान गर्दै आगामी कामका रणनीति र योजना सामुहिक रुपमा तय गर्ने वाचा सहित लौरो अभियानको भावना,विचार र नेकपा एमालेको चुनाव चिन्ह सुर्यको भावना र विचार मिलेको कारण आफुले नेकपा एमालेका उम्मेदवार किरण थापालाई समर्थन गरेको लौरो अभियान्ता घिमिरेको भनाइ रहेको छ ।’            

निर्वाचनको मिति नजिकिँदै जांदा भक्तपुरमा नेकपा एमालेका उम्मेदवारहरुलाई लौरो हस्तान्तरण गर्ने कार्य जारी रहेको छ । केहिदिन अगाडीमात्रै लौरो अभियान्ता एवं लौरो चुनाव चिन्ह लिएर भक्तपुर निर्वाचन क्षेत्र नं २ बाट उम्मेदवारी दिएका दरो स्तमभले भक्तपुर २ का एमाले उम्मेदवार महेश बस्नेतलाई समर्थन गर्दै लौरो हस्तान्तरण गरेका थिए । नेकपा (एमाले) भक्तपुर जिल्ला कमिटी सदस्य सहदेव न्यौपाने को विशेष पहलमा घिमिरेले आफ्नो चुनाव चन्ह लौरो एमालेका उम्मेदवार किरण थापालाई समर्थन गर्दै हस्तान्तरण गरेका हुन ।               

गाम्चा चोकबाट शुरु भएको घरदैलोमा जनताको व्यापक सहभागिता रहेको थियो । युवादेखी जेष्ठ नागरिकहरु समेतको उल्लेखनीय उपस्थिति र आफ्नो लोकप्रिय उम्मेदवार महेश बस्नेतलाई प्रत्येक घर र चोकहरुमा टिका,माला र पुष्पगुच्छाहरुले स्वागत गरेका थिए । त्यस्तै नेपाली काङ्ग्रेस परित्याग गरि युवाहरू एमाले प्रवेश समेत गरेका थिए ।           

गाम्चा चोकबाट सुरु भएको घरदैलो कार्यक्रम सिकारीटार,तिवारी टोल,परोपकार,कृष्ण मान्दिर,खड्का गाउँ,लुवान्जर टोल हुँदै साविकको दधिकोट ४ को तामाङ टोलमा पुगेर सप्पन्न भएको थियो ।