काठमाडौँ, २३ साउन । नेकपा एमालेका अध्यक्ष केपी शर्मा ओलीले अहिलेको वर्तमान सरकार ‘अलच्छिन’ सरकार भएको टिप्पणी गर्नुभएको छ ।
आइतबार एमालेनिकट भूपुसैनिक तथा प्रहरी संगठनको कार्यक्रममा परमादेशबाट आएको सरकारले जे छोयो त्यहिँ खरानी भइरहेको बताउदै अध्यक्ष ओलीले वर्तमान सरकार अलच्छिन सरकार भएको बताउनुभयो । अध्यक्ष ओलीले भन्नुभयो, ‘अलच्छिन सरकार । देशको लच्छिनै गयो । अलच्छिनै पस्यो देशमा । हिजो जहाँ छोयो त्यहाँ विकास हुन्थ्यो, आज जहाँ छोयो खरानी ।’
आगामी यहिँ सरकारले देश चलाउन पाए देश कस्तो हुन्छ भन्दै उहाले प्रश्न पनि गर्नुभयो । वर्तमान सरकारकै हातमा आगामी दिनमा देश पुग्यो भने केही घराना र आफन्त सप्रिने र बाँकी जनताको अवस्था उस्तै हुने पनि अध्यक्ष ओलीको भनाइ छ ।
