नेपाल स्वतन्त्र होटल,क्यासिनो तथा रेष्टुरेन्ट मजदुर यूनियन का केन्द्रिय महासचिव कमल घिमिरे प्रमुख अतिथि,नेपाल टेड युनियन महासंघ (जिफन्ट )का बागमती प्रदेश सदस्य मोहन गजुरेल, नेपाल स्वतन्त्र होटल,क्यासिनो तथा रेष्टुरेन्ट मजदुर यूनियन केन्द्रिय सदस्य डिल्लि बजागाईं लगाएतको मजदुर नेताहरुको उपस्थितिमा भेला सम्पन्न भएको छ । उक्त भेलामा मजदुर नेताहरुले होटेल क्षेत्रमा कार्यरत मजदुरका अधिकारका लागी सशक्त संगठनको महत्त्व, उक्त संगठनले गरेको भुमिका साथै श्रवण ७ गते ललितपुरको गोदावरीको सुर्योदय सभाहलमा हुन गैरहेको जिफन्टकाे आठाै अधिबेशकाे उद्घाटन समारोह बृहत उपस्थितिको लागि आग्रह गरिएको छ। सो अधिबेशनको उद्घाटन एमाले अध्यक्ष के.पी. शर्मा ओलीले गर्ने र श्रावण ८,९ गते राष्ट्रिय सभागृहमा अधिबेशनको बन्दसत्र सम्पन्न भइ १० गते घोषण सभा हुने बताइएको छ।
धुलिखेल नगर भेलाबाट निराजन तिमल्सिनाको अध्यक्षतामा १३ सदस्य रहेको नगर कमिटी जसमा उपाध्यक्ष अस्मिता कुईंकेल ,सचिव राजेश हुमागाई, सह–सचिव सुविना महत,कोषाध्यक्ष कादेब शाह, सदस्यहरु इन्दिरा पोखरेल,संगम तामाङ,सन्देश घले,आदित्य राई,विशाल राई,संजिव तामाङ,मुकेश शाह,राजेश तिमल्सिना रहेका छन ।
प्रमुख अतिथि घिमिरेले भेला बाट निर्बाचित सम्पुर्णलाइ टीका , खादा लगाएर बधाई दिंदै यस क्षेत्रका मजदुरहरुको सुरक्षाको ग्यारेण्टिको लागि सामाजिक सुरक्षमा जानको लागि बिषेश पहल गरिने कुरा व्यक्त गरेका थिए ।
