काठमाडौँ, ९ जेठ । प्रमुख प्रतिपक्षी दल नेकपा एमालेको विद्यार्थी संगठन अनेरास्ववियुको अध्यक्ष सुनिता बरालले मूल्यवृद्धि विरूद्द निर्णायक आन्दाेलनमा उत्रन आव्हान गर्नुभएको छ ।
सरकारले पटक पटक पेटोलियम पदार्थको मूल्यवृद्धि गरी जनताका ढाड सेक्ने कार्य गरिरहेको प्रति आक्रोस जनाउँदै अध्यक्ष बरालले सरकारविरुद्ध आन्दोलनको आँधीवेहरी ल्याउने चेतावनी दिनुभयो ।
अध्यक्ष बरालले आज एक विज्ञप्ति जारी गर्दै पेट्रोलियम पदार्थको मूल्यवृद्धिले तमाम क्षेत्रको महंगाई बढ्न गई सेवाग्राही र सबै जनतामा यसको प्रत्यक्ष असर पर्ने भएकाले तत्काल मूल्यवृद्धि फिर्ता लिन जोडदार माग गर्नुभएको छ ।
