झापा, २१ फागुन । नेकपा (एमाले) का अध्यक्ष केपी शर्मा ओलीले प्रेस चौतारी नेपालको प्रदेश नम्बर १ को प्रथम अधिवेशनको उद्घाटन गरेका छन् ।
आज बिहान गृह जिल्ला झापा पुगेका अध्यक्ष ओलीले बिर्तामोडमा आयोजित अधिवेशनको उद्घाटन गरेका हुन् । त्यसअघि अर्जुनधारास्थित सुखानी सहिद स्मृति प्रतिष्ठान पुगेर ओलीले सुखानी हत्या काण्डका सहिदहरूको सालिकमा माल्यार्पण गरेका थिए । ५०औँ सुखानी स्मृति दिवसको अवसरमा ओलीले परिचित झापा विद्रोहका सहिद रामनाथ दाहाल, नेत्र घिमिरे, कृष्ण कुइँकेल, नारायण श्रेष्ठ र वीरेन राजवंशीको सालिकमा माल्यार्पण गरेका हुन् ।
