काठमाडौं, साउन २६ गते । सरकारले मुलुकको वर्तमान आर्थिक अवस्थाबारे आज जानकारी दिने भएको छ । मंगरबार दिउँसो १ बजे बस्ने प्रतिनिधिसभा बैठकमा अर्थमन्त्री जनार्दन शर्माले मुलुकको वर्तमान आर्थिक अवस्थाबारे जानकारी दिन श्वेतपत्र प्रस्तुत गर्नुहुने संघीय संसदले जनाएको छ ।
प्रतिनिभिसभाका महासचिव गोपालनाथ योगीका अनुसार वर्तमान आर्थिक अवस्थाबारे जानकारी दिन अर्थमन्त्रीले श्वेतपत्र प्रस्तुत गर्नुहुने छ । यसैगरी बैठकमा राष्ट्रिय सभाबाट प्राप्त सन्देश टेबुल हुने महासचिव योगीले जानकारी दिनुभयो । उहाँका अनुसार नेपाल नागरिक उड्डयन प्राधिकरण विधेयक २०७६ र नेपाल हवाई सेवा प्राधिकरण विधेयक २०७६ टेबुल हुने भएको छ ।
