२९ असार,काठमाडौं। नेपालको पहिलो डिटिएच डिसहोमले साधरण सेयर निष्कासनका लागि धितोपत्र बोर्डमा सोमबार आवेदन दिएको छ। कम्पनीले चुक्ता पुँजीको साढे १० प्रतिशत सेयर सर्वसाधरणमा जारी गर्न लागेको हो।
कम्पनीका प्रवन्ध निर्देशक सुदीप आचार्यले सेयर निष्कासनका लागि धितोपत्र बोर्डमा आवेदन दिएको जानकारी दिए। कम्पनीको चुक्ता पुँजी २ अर्ब रुपैयाँको हो। ‘हामीले सर्वसाधरणमा सेयर जारी गर्न बोर्डमा आवेदन दिएका छौं। हामीले कम्पनी स्थापना भए देखिनै मुनाफाको हिस्सेदार जनता बनाउने उदेश्य थियो। त्यही उदेश्य अनुसार सेयर निष्कासन गर्न लागेका हौ’ उनले बिजमाण्डूसँग भने।
कम्पनीको १५ लाख ग्राहक छन्। कम्पनीको रिजर्भमा १२ करोड रुपैयाँ छ। कम्पनीको सेयर निष्कासन तथा बिक्री प्रवन्धक ग्लोबल आइएमई क्यापिटल हो। सुरुवातमा डिस नेपाल र होम टिभी सेवा सुरु भएको केही महिनामै मर्ज भएर डिस होम संचालनमा ल्याएका थिए। डिसहोमले इन्टरनेट सेवा पनि सुरु गरिसकेको छ। हाल सिम टिभीको आइएसपीबाट इन्टरनेट वितरण सुरू भएको छ।
टेलिभिजन प्रसारणका लागि चाहिने सेटटप बक्स नेपालमै उत्पादन हुन थालेको छ। डिजिटल होम इन्टरनेशनलले ललितपुरको गोदावरीस्थित प्लान्टबाट सेटटप बक्स एसेम्बल थालेको हो।
