बलात्कारी कृष्णदास प्रकरणः बलात्कारीलाई फाँसी दे भन्ने नारा अदालत अगाडी ! आइतबार थुनछेकको बहस, नेपाल ल क्याम्पसका प्रोफेसरहरु कृष्णदाशका पक्षमा बहस गर्दै ?

पुस ११, मोरङ । सुनसरीको चतराका सिद्धबाबा भनिने कृष्णबहादुरी गिरीको बयान सकिएको छ । २९ वर्षीया महिला अनुयायीमाथि बलात्कारको आरोप लागेका गिरीको आज जिल्ला अदालत इनरुवामा बयान लिइएको थियो । अब आइतबार विहान १० बजे नै थुनछेकको बहस हुनेछ ।

जिल्ला अदालत इनरुवामा वादी र प्रतिवादीका अधिवक्ताहरुबीच गिरीको बयान लिइएकोमा आरोपित गिरीले आफु विरुद्ध लागेको बलात्कारको आरोपलाई इन्कार गरेका छन् ।

आरोपितसँग जिल्ला न्यायाधीश राधाकृष्ण उप्रेतीको इजलासमा बयान लिने काम सकिएको सरकारी वकिलको तर्फबाट अधिवक्ता गोकुल निरौलाले बताए । उनलाई विहान ११ बजे अदालतमा उपस्थित गराइएको थियो । उनको दिउसो ३ बजेसम्म बयान लिने कार्य चलेको थियो । 

बयानका क्रममा पीडित महिलाको पक्षबाट उनकी दिदी अदालतमा उपस्थित रहेकी थिइन् । मोरङको विराटनगरस्थित एक अस्पतालमा विरामी भएको भन्दै भर्नामा रहेका सिद्धबाबालाई एम्बुलेन्समा राखी सुनसरी अदालत उपस्थित गराइएको थियो ।

उक्त क्रममा सिद्धबाबालाई फसाइएको भन्दै उनका अनुयायीहरुले जप गरेका थिए भने, पिडित महिलाका पक्षमा आएका महिला अधिकारकर्मीहरुले सिद्धबाबा भनिएका गिरी विरुद्ध नाराबाजी समेत गरेका थिए ।  

गिरीको मुद्दा सुनसरी जिल्ला अदालतका मुख्यन्यायाधीश राधाकृष्ण उप्रेतीको बेन्चमा परेको छ । आरोपित गिरीको पक्षबाट बहसका लागि नेपाल ल क्याम्पसका प्रोफेसरहरु डा. रमेश पराजुली, सरोज गिरी, रुपेश कोइराला, दिनेशराज सत्याल, मोहन कोइरालाले बहसको तयारी गरेका छन् ।