रौतहट, २९ कार्तिक । जिल्ला अदालत रौतहटले नेपाली कांग्रेसका नेता तथा निलम्बीत सांसद मो.अफ्ताव आलमलाई पूर्पक्षका लागि थुनामा राख्न आदेश दिएको छ । राजपुर बम विस्फोट र त्यसमा घाइते भएकाहरुलाई इँटाभट्टामा जलाएको आरोपमा आलमलाई प्रहरीले २६ असोजमा प्रहरीले पक्राउ परेको थियो । रौतहट २ बाट निर्वाचित आलममाथि विस्फोट पदार्थ, ज्यानमुद्दा र ज्यान मार्ने उद्योग गरी तीन मुद्दा लगाइएको छ ।
मुद्दामा वादीको तर्फबाट १२ जना र प्रतिवादीको तर्फबाट २८ जनाले बहस गरेका थिए ।
ज्यान मार्ने कसुर, ज्यान मार्ने उद्योग र विष्फेटक पदार्थ गरी तीनवटा मुद्दामा पक्राउ परेका निलम्बित सांसद आलमको पक्षमा अधिवक्ताहरुले सोमवारदेखि बहस गरेका थिए । आलमविरुद्धको थुनछेक बहस जिल्ला अदालत रौतहटमा पछिल्लो आठ दिन यता चल्दै आएको थियो ।शुक्रबार वरिष्ठ अधिवक्ता अनिरुद्र बैठा, अधिवक्ताहरु किशोर राउत, राजाराम यादव, रामबहादुर साह, विनोद पटेलले बहस गरेका थिए ।यसअघि अलामको पक्षबाट पूर्व महान्यायाधिवक्ता रमण श्रेष्ठ, नेपाल बार एसोसिएसनका पूर्वअध्यक्ष शम्भु थापा, प्रेमबहादुर खड्का, वरिष्ठ अधिवक्ताहरु युगनाथ खनाल, शेरबहादुर केसी, अधिवक्ता सुनिल पोखरेल, १५ जना कानुन व्यवसायीले बहस गरेका थिए ।
यसैगरी पीडितको पक्षमा बरिस्ठ अधिवक्ता युबराज संग्रौला, अधिवक्ता मनिष कुमार श्रेष्ठ लगायत २८ जनाले निशुल्क बहस गरेका छन ।
कर्तव्य ज्यान, ज्यान मार्ने उद्योग र विस्फोटक पदार्थ भण्डारण गरी तीनवटा अभियोगमा पक्राउ परेका आलमको मुद्दामा गत सोमबारदेखि बहस हुँदै आएको थियो। उक्त घटनामा संलग्न फरार अन्य १० जनालाई प्रहरीले खोजी जारी राखेको छ ।