कार्तिक २८ : अमेरिकी संचार माध्यम केबल न्यूज नेटवर्क (सिएनएन)ले राष्ट्रपति ट्रम्प विरुद्ध मुद्धा लगाएको छ।
ट्रम्प प्रशासनले सिएनएनका तर्फबाट अमेरिकी सदन ह्वाइट हाउसमा रिपोर्टिङ गर्दै गरेका वरिष्ठ पत्रकार जिम एकोस्टाको मान्यता रद्ध गरिदिएपछि आफ्नो संस्थाका पत्रकारको मान्यता विना कारण रद्ध गरिदिएकोभन्दै सिएनएनले ट्रम्प विरुद्ध मंगलबार अदालतमा मुद्धा दर्ता गराएको हो।
जिम एकोस्टा ह्वाइट हाउसमा सिएनएनका मुख्य संवाददाता थिए। गत हप्ता ह्वाइट हाउसमा भएको पत्रकार सम्मेलनमा जिम र राष्ट्रपति ट्रम्पबीच विवाद भएपछि उनको ह्वाइट हाउसको पे्रस कार्ड फिर्ता लिइएको थियो।
सिएनएनले ट्रम्प प्रशासनको उक्त गतिविधीलाई संवैधानिक अधिकारको उल्लघंन भनेको छ। मंगलबार वासिङटनामा दायर गरिएको मुद्धामा राष्ट्रपति ट्रम्प र उनका सहयोगीहरुलाई प्रतिवादी बनाइएको छ।
जहाँ ह्वाइट हाउसका प्रेस सचिव सारा सान्डर्सको नाम समेत उल्लेख गरिएको छ। साराले एकोस्टाले गलत आचरण देखाएकोभन्दै प्रेस पासलाई रद्ध गर्नुपर्ने बताएकी थिइन्।
उनले भनेकी थिइन्, ‘यदि कुनै रिपोर्टरले ह्वाइट हाउसमा गलत व्यवहार गर्छ भने ह्वाइट हाउस व्यवस्थित र निष्पक्ष पत्रकार सम्मेलन गर्न सक्दैन।’ तर एकोस्टालेभने ह्वाइट हाउसको आरोपलाई अस्वीकार गरेका छन्। उनले पत्रकारले सान्दर्भिक प्रश्नगर्न पाउनुपर्ने बताएका छन्।
जिम एकोस्टा
सिएनएनले एक बयानमा भनेको छ, ‘हामीले अदालतसँग एकोस्टाको पास फिर्ता गर्न र ह्वाइट हाउसको फैसला तत्काल रोक्न आग्रह गरेका छौं। सरकारका यस्ता गतिविधी सिएनएनको पत्रकारलाई मात्र होइन सबैलाई हुनसक्छ।’
सन् २०१६ को राष्ट्रपतिय चुनावदेखिनै ट्रम्प सिएनएनसँग रुष्ट छन्। त्यसबेला ट्रम्पले सिएनएनले आफूविरुद्ध समाचार लेख्दै अर्का राष्ट्रपतिय उमेद्वार हिलारी क्लिन्टनलाई सहयोग गरेको आरोप लगाउदै आएका थिए।
पत्रकार सम्मेलनमा के भएको थियो?
ट्रम्प र पत्रकार एकोस्टाबीच ७ नोभेम्बरमा विवाद भएको थियो। विवाद भएको एकै दिनमा उनको प्रेस पास ह्वाइट हाउसले रद्ध गरिदिएको थियो।
सिएनएनका संवाददाता जिम एकोस्टाले राष्ट्रपति ट्रम्पसँग मेक्सिकोका शरणार्थी तथा आप्रवासी सम्बन्धी प्रश्न गर्न चाहान्थे। तर प्रश्न टुंगिन नपाउँदै ट्रम्पका सहयोगीले एकोस्टाको हातबाट माइक खोस्ने कोशिस गरेका थिए।
सो क्रममा विवादको स्थिती सृजना भएको थियो। ट्रम्पले भनेका थिए, ‘धेरै भयो, धेरै भयो, अब रोक।’ ट्रम्पले उनलाई माइक राख्न समेत निर्देशन दिएका थिए। ट्रम्पले ‘आफ्नो पत्रकारको विषयलाई लिएर सिएनएन आफैलाई लाज लाग्नुपर्ने हो’ समेत भनेका थिए। एजेन्सी
(भिडियो)
टोकियो, चैत १५ गते । जापानी प्रधानमन्त्री शिगेरु इशिबाले शुक्रबार अमेरिकी राष्ट्रपति डोनाल्ड ट्रम्पको आयातित कार
नयाँ दिल्ली, चैत १ गते । भारतीय अन्तरिक्ष अनुसन्धान सङ्गठन (इसरो) ले ‘स्पेस डकिङ’ (स्पाडेक्स) मिशनअन्तर्गत
फागुन २,काठमाडौँ,। वैदेशिक रोजगार विभागले निःशुल्क कानुनी सहायता तथा सहजीकरणका लागि छुट्टै कक्षसहितको कानुनी सहायता अधिकृतको
२०८१, माघ ९ । विश्व स्वास्थ्य सङ्गठन (डब्लुएचओ) ले विश्वव्यापी स्वास्थ्य एजेन्सीबाट बाहिरिने संयुक्त राज्य अमेरिकाको
भदौ १८,कम्पाला । युगान्डा प्रहरीले पूर्वी अफ्रिकी राष्ट्रमा भ्रष्टाचारको विरोधमा जुलुस निकाल्ने क्रममा सोमबार राजधानी कम्पालामा
टोकियो, असार १३ गते । जापानी वैज्ञानिकले मानव कोषहरूको प्रयोग गरेर जीवित छालाजस्तै देखिने आवरणसहितको रोबोटको