नेकपा रूपन्देहीले विजयादशमी, दिपावली तथा छठ पर्वको अवसर पारेर कात्तिक १७ गते शनिवार शुभकामना आदानप्रदान तथा सन्देशसभा कार्यक्रम गर्दैछ ।
कार्यक्रममा पार्टीका अध्यक्षद्वय प्रधानमन्त्री केपी शर्मा ओली र पुष्पकमल दाहाल ‘प्रचण्ड’, महासचिव तथा रूपन्देही क्षेत्र नम्बर २ का प्रतिनिधिसभा सदस्य विष्णु पौडेल आउने कार्यक्रम तय गरिएको छ । तर, प्रधानमन्त्री ओली बिरामी भएर अस्पताल भर्ना भएपनि आयोजक नेकपा रूपन्देहीले आउने दाबी गरेको छ । बिरामी ओलीको अस्पतालमा उपचार भइरहेको र अस्पतालबाट कहिले ‘डिस्चार्ज’ हुने अझै टुंगो लागेको छैन ।
पार्टी कार्यदलका सदस्य तथा बुटवल उपमहानगरपालिकाका प्रमुख शिवराज सुवेदीले सन्देश सभामा १ लाख कार्यकता सहभागी हुने दाबी गरे । सुवेदीले भने, ‘स्थानीय तहबाट ६० हजार र आसपासका जिल्लाबाट करीब ४० हजार गरी करीब १ लाखको नेता कार्यकर्ता सहभागी हुनेछन् ।’ नेकपाले जिल्लाका १६ वटै स्थानीय तहमा समिति गठन गरी प्रचारप्रसार र कार्यकर्ता परिचालन गरेको छ ।
सबै स्थानीय तहले कम्तीमा ५ हजारदेखि २० हजारसम्म कार्यकर्ता उतार्ने तयारी छ । सन्देश सभाको तयारी तीव्र पारिएको छ । कार्यक्रम बुटवल–१० स्थित बुटवल मण्डपको खुला ठाउँमा दिउँसो १२ बजेदेखि शुरू हुनेछ ।
नेकपाका नेता तथा ५ नम्बर प्रदेशका उद्योग पर्यटन, वन तथा वातावरण मन्त्री लिला गिरीले सभालाई ऐतिहासिक बनाउन सबैलाई सहयोगका लागि आग्रह गरे । नेकपा नेता तथा प्रदेशसभा सदस्य सांसद सदस्य दधिराम न्यौपानेले नेकपाका लागि शुभकामना सन्देश कार्यक्रम ऐतिहासिक हुने बताए ।
काठमाडौँ, साउन २६ — नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठ र जनता समाजवादी पार्टी
मुख्यमन्त्री पाण्डे : ५० करोड बचत हुने अपेक्षा, पूर्वउपाध्यक्ष पौडेल : मन्त्री–सांसदको सुविधा पनि कटौती
काठमाडौं, साउन २३ – नेकपा (माओवादी केन्द्र) ले युवा संगठन वाईसीएलबाट बिदा भएका पाँच पूर्व
रुपन्देही, साउन १९ ।शान्ति र आध्यात्मिकताको प्रतीक बुद्ध जन्मस्थल लुम्बिनीको व्यवस्थापनका लागि गठित लुम्बिनी विकास
काठमाडौं, साउन ६ । प्रधानमन्त्री केपी शर्मा ओलीसँग चीनको अन्तर्राष्ट्रिय विकास सहायता नियोग (CIDCA) का
काठमाडौं, साउन ५, २०८२ नेकपा (एमाले) का वरिष्ठ उपाध्यक्ष ईश्वर पोखरेलले पार्टीको प्रस्तावित विधानमा “प्रथम
