.jpeg)
काठमाडौं । लामो समयदेखि उकालो लाग्न नसकेको सेयर बजारमा दुई दिनयता हरियाली छाएको छ । आइतबार ३२ महिनायताकै सबैभन्दा न्यून बिन्दुमा पुगेको नेप्से परिसूचक त्यसयता भने २ दिन निरन्तर सुधारिने लयमा देखिनुले ‘नेप्से सधैं घटिरहँदैन’ भन्ने सन्देश लगानीकर्तालाई दिएको हो ।
दुईदिनको सुधारले पछिल्लो समय नेप्से धेरै अंकले घटेर आजित भइसेकका लगानीकर्तामा भने केही आशा पलाएको छ । सोमबार १० दशमलव ४३ अंकले बढेको बजारमा मंगलबार ६.६१ अंकले बढेको हो । धेरै घटिरहेको बजारमा लगानीकर्ताले मौका खोजिरहेका थिए । यस्तो अवस्थामा २ दिनको बजारको ट्रेन्डले बजारमा लगानीयोग्य रकम पनि मिलेको र लगानीकर्ता लगानी गर्न सक्षम भएको देखिने जानकारहरु बताउँछन् । यद्यपि कारोबार रकममा उल्लेख्य सुधार नहुनुले यो वृद्धि सपोर्ट नगर्ने उनीहरु बताउँछन् ।
बजार परिसूचक घटबढ हुने क्रम स्वभाविक रहेपनि तल्लो बिन्दुमा पुगेर फर्किएको बजार त्यो बिन्दुभन्दा धेरै घट्दैन भन्ने संकेत दिएको लगानीकर्ताको विश्वास छ । तर, बजारलाई अहिले नै सपोर्ट मिलिहाल्ने कुनै फ्याक्टर नहुँदा यो सुधारले कुनै खुसी नदिएको स्वयम् लगानीकर्ता बताउँछन् सेयर लगानीकर्ता संघका उपाध्यक्ष ताराप्रसाद फुल्लेलका अनुसार बजार परिसूचक सधैं घटिरहने वा बढिरहने भन्ने हुन्न । सोही कारण धेरै घटेको भएर थोरै कमब्याक गर्नु स्वभाविक रहेको उनी बताउँछन् । उनले भने, “२ दिन बढेको बजार अब कुन दिशामा जान्छ त्यो भनिहाल्ने अवस्था भने छैन । लगानीकर्ता वेट एन्ड सी कै अवस्थामा छौं ।”
उनले भने, “बजारलाई सपोर्ट हुनेगरी नीतिगत सुधार वा नियामक निकायबाट चालिएको ठूलो कदम पनि केही छैन । त्यस्तो त्यस्तो सकारात्मक समाचारले बजार उकासेको पनि हैन ।”
नेप्से बढ्दा मंगलबार कारोबार रकम उल्लेख्य मात्रामा बढ्न भने सकेन । सोमबार १६ करोड ९६ लाख रुपैयाँको करोबार भएको सेयर बजारमा यसदिन १८ करोड ९५ लाख रुपैयाँको मात्र सेयर किनबेच भयो । यसक्रममा कूल १६० कम्पनीका ७ लाख ३२ हजार कित्ता सेयर मात्र किनबेच भए ।
नेप्से बढ्दा ‘क’ वर्गका कम्पनीहरुको मापन सेन्सेटिभ परिसूचक पनि १ दशमलव ५६ अंकले बढेर २ सय ४९ दशमलव ५० अंकमा पुगेर बन्द भएको छ । यसदिन सबैभन्दा बढी कारोबार नेपाल इन्भेस्टमेन्ट बैंककोे भएको छ । बैंकको आज जम्मा ८५ लाख ५३ हजार रुपैयाँको सेयर किनबेच भए ।
नेप्से बढ्दा यसदिन सबैभन्दा धेरै मूल्य आरम्भ माइक्रोफाइनान्सको सेयरको बढ्यो । कम्पनीको लगानीकर्ताले १० प्रतिशतले कमाउँदा मल्टी पर्पोज फाइनान्सको सेयर मूल्य ५ दशमलव ३६ प्रतिशतले घटेको छ । नेप्से बढ्दा मंगलबार होटल र अन्य समूहबाहे सबै समूहको उपसूचकमा सुधार आएका छन् ।
बिहीबार, मंसिर १८, काठमाडौँ । जेनजी प्रदर्शनका क्रममा ‘आपराधिक गतिविधि’मा संलग्न भनिएका व्यक्तिहरूका मुद्दा फिर्ता
काल, कात्तिक १८ गते। मन्त्रिपरिषद् बैठकका निर्णयहरू सार्वजनिक छन्। सरकारका प्रवक्ता तथा सूचना प्रविधि मन्त्री
कात्तिक कार्तिक १४, काठमाडौं । मलेसिया लाभासीका श्रमिक पठाउने देश वैदेशिक व्यापार व्यवसाय कम्पनीका लागि
कात्तिक २, काठमाडौं । नेकपाका महासचिव नेत्रविक्रम चन्द ‘विप्लव’ले हालको सुशीला कार्की नेतृत्वको अन्तरिम सरकार
आन्दोलनका क्रममा भदौ २४ गते जलाइँदै गरेको राष्ट्रपतिको कार्यालय। राष्ट्रपतिको कार्यालय जोगाउन नसक्दा आलोचना, संविधानले दिएको
काठमाडौँ, कात्तिक २ गते । सरकारले नर्सिङ स्वास्थ्यकर्मीहरूको पारिश्रमिकसम्बन्धी माग सम्बोधन गर्न १४ सदस्यीय समिति
