मेसीको गोलमा अर्जेन्टिनाले जित्दा किन बेहोश म्याराडोना ? कारण यस्ताे !

रुसमा जारी विश्वकप फुटवलमा उपाधी दावेदार मानिएको अर्जेन्टिनाले हिजो राती भएको खेलमा सनसनीपुर्ण जित निकालेको छ । उसले नाइजेरियालाई पाखा लगाउँदै सनसनीपुर्ण जित निकालेको हो ।

अर्जेन्टिनाको दोस्रो गोलमा अर्जेन्टिनाका समर्थक खुसीले गदगद भएका थिए । त्यसै क्रममा अर्जे्न्टिनी लिजेण्ड म्याराडोना जुरुक्कै उठेर खुसी मनाइरहेका थिए । तर उनले आफूलाई सम्हाल्न सकेनन् । उनी खुसी मनाउँदा मनाउँदै लड्खडाएका थिए । त्यसो त उनी नाइजेरियाले बराबरी गोल गरेपछि म्याराडोनाको आँखामा आँसु देखिन्थ्यो ।

नाइजेरियासँगको खेलमा अर्जेन्टिनाको जित भएपछि लिजेण्ड डिएगो म्याराडोना ढलेका थिए । उनी ढलेको तस्वीर टिभीमा स्क्रिनमा देखिएको थियो । अर्जेन्टिानले जितेपछि बेहोस भएर म्याराडोना ढलेको समाचार पछिल्लो समय भाइरल भएको थियो । आफु ढलेको समाचार ढलेपछि उनले आफु ठिक रहेको प्रतिकृया दिएका छन् ।

नाइजेरिया र अर्जे्न्टिनाबीचको खेलमा ८६ औँ मिनेटसम्म एक–एकको बराबरी चलेको थियो । तर खेलको ८६ औँ मिनेटमा मार्कस रोहोले गोल गर्दै अर्जे्न्टिनाको अग्रता दोब्बर बनाएका थिए । अन्त्यमा त्यही गोल नै निर्णायक गोल भयो । त्यही गोलले अर्जेन्टिनालाई नकआउट चरणसम्म लगेको छ ।

म्याराडोनाले इन्स्टाग्राममा मेडिकल स्टाफसँगको फोटो पोस्ट गर्दै आफू ठिक भएको बताएका छन् । आफूलाई खेल हेर्ने क्रममा घाँटी दुखेकाले गाह्रो भएको पनि उनले स्पष्ट पारेका छन् ।

म्याराडोनाले अर्जे्न्टिनाका लागि ९१ खेल खेलेका छन् । उनले अर्जेन्टिनाका लागि ३४ गोल गरेका छन् । सन् १९८६ मा उनले अर्जेन्टिनालई विश्वकप जिताएका थिए । उनले सन् १९८२, १९८६ र १९९४ को विश्वकपमा गोल गरेका थिए ।

तर रोहोको गोलको खुसीमा उनी सम्हालिन सकेनन् । तुरुन्तै उनलाई प्यारामेडिकल टिमले जाँच गरेको थियो । उनलाई सेन्ट पिटर्सबर्गबाट उपचारका लागि मस्को लगिएको बीबीसीले जनाएको छ ।