काभ्रेको दोलालघाटमा दोलालघाट महोत्सव–२ शुुरु तपाई पनि जाने हैन त दोलालघाट ?

चैत्र २५ काभ्रे । काठमाडौंबाट ५८ किलोमिटरको दुरीमा नदीको किनारामा रहेको काभ्रे भुम्लु गाउँपालिका–१०, दोलालघाटस्थित दुलालेश्वर वातावरणीय तथा समाज सेवा क्लबले आयोजना गरेको दोलालघाट महोत्सव २ शुक्रबारबाट सुरु गरेको छ । दुलालेश्वर वातारणीय समाजसेवा क्लबले प्राकृतिक तथा सांस्कृतिक कृषि र व्यापार, दोलालघाट पर्यटन प्रवर्द्धन विकासको आधार भन्ने मुल नाराका सुरु गरिएको महोत्सव २०७५ वैशाख ३ गतेसम्म चल्ने छ । आयोजक दुलालेश्वर वातावरणीय तथा समाज सेवा क्लबले दोलालघाट आई प्राकृतिक तथा सांस्कृतिक कृषि र व्यापारको अवलोकन, स्थानीय सुनकोशी र इन्द्रवातीको लोकल माछा, स्थायिन स्तरमा उत्पादन गरिएको कृषिजन्य बस्तुहरु र खुवाको स्वाद लिन पनि आम काभ्रेबासी, सिन्धुपाल्चोकबासी, भक्तपुरबासी, काठमाडौंबासी, ललितपुरबासी एवम् देशबासीमै आग्रह गरेको छ । महोत्सबमा बिभिन्न स्टलहरु सहित मनोरनजनकमुलक खेलहरु पनि रहेको आयोजकले जनाएको छ । दोलालघाट महोत्सव २ मा १ सय ५ स्टलहरु राखेकोमा ७० भन्दा धेरै स्टलहरु बुक भइसकेको आयोजकले जनाए । महोत्सवभरमा दोलालघाटको सुनकोशी र इन्द्रवातीको लोकल माछा, स्थायिन स्तरमा उत्पादन गरिएको कृषिजन्य बस्तुहरु र खुवाको स्टल प्रमुखरुपमा रहेको क्लबको अध्यक्ष अष्ठ श्रेष्ठले काभ्रेपोष्टलाई बताए । महोत्सवभर राष्टिया कलकार देखि स्थानिय कलकारहरुले मनोरन्जनमुलक सस्कृतिक कार्यक्रम प्रस्तुतगर्ने कार्यक्रम रहेको अध्यक्ष अष्ठ श्रेष्ठले बताए । महोत्सव हेर्न तपाई पनि जाने हैन त दोलालघाट ?