एजेन्सी, १५ असोज । चर्चित फुटबल स्टार नेइमारका पिताले आफ्नो छोरोले बार्सिलोना छाडेर राम्रो अवसर गुमाएको बताएका छन् ।
हाल फ्रेन्च लिग वान फुटबल क्लब पेरिस सेन्ट जर्मेन (पिएसजी) बाट खेलिरहेका नेइमारका पिताले आफ्नो छोरोले बार्सिलोना छाडेपछि पहिलो पटक यस्तो अभिव्यक्ति दिएका हुन् । यहि सिजन पिएसजीले विश्व कीर्तिमानी मूल्य २२ करोड २० लाख युरोमा बार्सिलोनाबाट नेइमारलाई क्लब भित्र्याएको थियो ।
फ्रान्सेली टेलिभिजन टेलीफुटसँगको अन्तर्वार्ताको क्रममा नेइमारका पिताले आफ्नो चाहनाबारे खुलासा गर्दै भने, ‘म मेरो छोरो बार्सिलोनामा नै रहोस् भन्ने चाहन्थेँ ।’ उनको आशय नेइमार बार्सिलोनामै रहनु पर्ने भन्ने थियो । नेइमार जुनियरका एजेन्ट पनि रहेका नेइमार सिनियर हुन् ।
उनले नेइमार जुनियरले बार्सिलोनामै बसेर लियोनल मेस्सी तथा लुइस स्वारेजसँगै खेलेको भए बालोन डी’ओर वा अरु उपलब्धी पाउने सम्भावना बढी हुने सम्भावना औंल्याए । यद्यपि नेइमार क्याम्प नाउ बस्न नचाहेको र उनले पिएसजी जान चाहेकाले अनुबन्ध सम्भव भएको नेइमार सिनियरले स्पष्ट पारे ।
उनले आफ्नो छोरोले ला लिगाको कम्फर्ट जोनबाट बाहिरिन चाहेको खुलासा गरे । बार्सिलोनामा रहँदा नेइमार मेस्सीको छायाँ बनेको भन्ने आशय व्यक्त गरे पनि उनले यसबारे स्पष्ट भाषा बोलेनन् ।
वाशिङ्टन डिसी (अमेरिका), असोज ३० गते । विश्व बैंकको वार्षिक बैठकमा भाग लिन अमेरिकामा रहनुभएका अर्थमन्त्री
काठमाडौँ, भदौ २९।‘जेन–जी’ आन्दोलनका क्रममा उत्पन्न हिंसात्मक घटनाले नेपालका प्रमुख सरकारी संरचनासहित सर्वोच्च अदालत, विशेष
धनगढी, साउन २२ – नेकपा (एमाले) सुदूरपश्चिम प्रदेशका इन्चार्ज तथा पार्टी सचिव लेखराज भट्टले पार्टी
काठमाडौं, साउन ६ । प्रधानमन्त्री केपी शर्मा ओलीसँग चीनको अन्तर्राष्ट्रिय विकास सहायता नियोग (CIDCA) का
असार १७, काठमाडौं ।परराष्ट्रमन्त्री डा. आरजु राणा देउवाले जलवायु परिवर्तनबाट प्रभावित मुलुकहरूका लागि जलवायु वित्त
सेभिया (स्पेन), असार १६ – प्रधानमन्त्री केपी शर्मा ओलीले अन्तर्राष्ट्रिय वित्तीय प्रणाली सुधारको आवश्यकतामा विशेष
