ओट्टावा, (क्यानाडा), १५ असोज । फ्रान्सको राष्ट्रिय ध्वजावाहक विमान कम्पनी – एअर फ्रान्सको एक जेट विमान क्यानाडाको एक विमानस्थलमा आकस्मिक अवतरण गरेको क्यानाडाली टिभी प्रसारणले जनाएको छ ।
सो विमान पेरिसबाट संयुक्त राज्य अमेरिकाको लस एन्जलसतर्फ उडिरहेको थियो । गन्तब्यतर्फ जाने क्रममा आन्ध्र महासागर माथि उडिरहेको अवस्थामा विमानका चारवटामध्ये एउटा इन्जिनमा आगलागी भै विस्फोट भएको थियो ।
एयर बस कम्पनीद्वारा फ्रान्स मै निर्मित, ए–३८० मोडेलको सो विमान विश्वमा हालसम्म उत्पादित यात्रुबाहक विमानहरुमध्ये सबभन्दा विशाल कायको मानिन्छ । आगलागी भई एउटा इन्जिन विस्फोट भएपछि तत्कालै चालक दलले उक्त विमानलाई क्यानाडाको लाब्राडर प्रान्तको गूज बे विमानस्थलमा अत्यन्त सकुशल अवतरण गराएका थिए ।
विमानमा सवार ५२० जना यात्रुहरुमध्ये धन्न कसैलाई केही पनि नभएको जनाइएको छ । विमान आकस्मिक अवतरणको क्रममा इन्जिनको ढक्कन (काउलिङ्ग) लगायत इन्जिनका अन्य मुख्य मुख्य पार्टपुर्जाहरु टुक्रा टुक्रा भै धावनमार्गमा खसेर टाढाटाढासम्म यत्रतत्र छरपस्ट भएका थिए ।
विमानमा सवार यात्रुहरुले बताए अनुसार साँढे छ घण्टा उडिसकेपछि सो विमानभित्र भयङ्कर विस्फोटको आवाज सुनिए ता पनि चालक दलको कार्य कुशलताले सुरक्षित अवतरण भएको, कुनै भय, त्रास वा भागदौड मच्चिने स्थिति आउनै नपाई नियमित यात्रासरह सामान्य अवस्था रहेको थियो ।
इन्जिन फेर्ने लगायत अन्य सम्पूर्ण मर्मत सम्भारपश्चात् उक्त बिमानलाई फिर्ता लगिने एयर फ्रान्सले जनाएको छ ।
काठमाडौँ, असोज ६ ।हिन्दूहरूको महान् पर्व बडादसैँ आजदेखि सुरु भएको छ। प्रत्येक वर्ष आश्विन शुक्ल
काठमाडौँ, असोज ६ ।नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले पार्टी पुनर्गठनसहित ४ बुँदे
काठमाडौँ, असोज ५ गते।जेन–जी आन्दोलनका क्रममा भदौ २४ गते राजधानीमा राज्यका तीन प्रमुख निकाय—प्रधानमन्त्रीको कार्यालय
काठमाडौँ, असोज ५ गते। गृहमन्त्री तथा कानुन, न्याय र संसदीय मामिलामन्त्री ओमप्रकाश अर्यालले आइतबार सशस्त्र
काठमाडौँ, असोज २ गते । नेपालकी नवनियुक्त प्रधानमन्त्री सुशीला कार्की र भारतका प्रधानमन्त्री नरेन्द्र मोदीबीच
काठमाडौँ, असोज १ गते।सरकारले हालै सम्पन्न सचिवस्तर बैठकमार्फत २१ बुँदे निर्णय सार्वजनिक गरेको छ। सिंहदरबारमा
