दलित महिला उम्मेद्वार पाउन मुस्किल

वैशाख ३ – इलाममा स्थानीय तहको चुनावमा दलित महिला उम्मेद्वार पाउन मुस्कि छ । प्रत्येक वडामा एक दलित महिलालाई अनिवार्य रुपमा उम्मेद्वार बनाउनु पर्ने प्रावधान भएसगै यहाँका राजनीतिक दलहरुलाई दलित महिला उम्मेद्वार पाउन मुस्किल भएको हो ।

१० वटा स्थानीय तह रहेको इलाममा ८१ वडा छन् । जिल्लामा १७ वटा दल दर्ता भएको निर्वाचन कार्यालयको तथ्यांक छ । तर आठ दलले मात्रै चुनावी चिन्ह पाउने भएका छन् । यस आधारमा एउटा राजनीतिक दललाई मात्रै जिल्लाभर ८१ जना दलित महिला उम्मेद्वार चाहिन्छ ।

तर पार्टीका संगठनमा दलित महिलालाई यसअघि खासै नअटाएका दलहरुलाई अचानक आएको यस्तो व्यवस्थाले समस्या भएको हो । दलित महिलाको नेतृत्व विकासमा ध्यान नदिएका दलहरुलाई उम्मेद्धार बनाउन निकै सकस परेको छ । ठुला दलले दुःखले उम्मेद्धार उभ्याउने तयारी गरेका छन् । तर साना दलमा त्यस्तो पनि सम्भावना कम मात्रै छ । तर कांग्रेस, एमालेमा दलित महिला उम्मेद्वार बनाउन खासै समस्या नभएको नेताहरुले दाबी गरेका छन् ।