कल्भर्ट निर्माण देखि सुरु भएको आनन्द बजारमा भारतीय एसएसबीले हतियार सहित आएर धम्याएपछी आक्रोशित बनेका जनताले ढुंगामुढा गरेपछि भारतीय एसएसबीको गोलीबाट पुनर्वास नगरपालिका – ८ का गोविन्द गौतमको मृत्यु भएको छ ।
कञ्चनपुरका विभिन्न ठाँउमा भारतीय नम्बर प्लेटका गाडीहरु तोडफोड तथा आगजनी गरिदै छ । महेन्द्रनगरमा आनन्द होटल अगाडी DL9CD4463 नम्बरको गाडी जालाइएको छ । आक्रोशित अज्ञात समूहले पुनर्वासको आइबीआरडिमा पनि भारतीय नम्बरको ट्र्यकटर जलाएका छन ।
त्यस्तै थुप्रै ठाँउमा तोडफोड तथा विरोध कार्यक्रम गरिएको छ । अहिले पनि पुनर्वास तनावग्रस्त बनेको छ । शुक्रबार आइबीआरडि लगायतको एरियामा जुलुस निकालिन लागेको स्थानीय सागर गैरेले बताएका छन । राष्ट्रिय जनमोर्चाका अध्यक्ष लोकेन्द्र लम्सालले मृतकलाई सहिद घोषणा गर्नुपर्ने लगायतका माग राख्दै शबलाई फुलमाला सहित बजार परिक्रमा गराउनु पर्ने बताए । जिल्ला स्थित राष्ट्रिय जनमोर्चा, नेकपा एमाले, तथा माओवादी केन्द्र कञ्चनपुरले प्रेस विज्ञप्ति जारी गरेको छ ।
नेपालका प्रमुख जिल्ला अधिकारी मनोहर प्रसाद खनाल र सहायक प्रमुख जिल्ला अधिकारी प्रेम बहादुर कुवंर, प्रहरी उपरीक्षक प्रकाश बहादुर चन्द लगायतको टोलिले भारतीय डि.यम. आकाश दिप लगायतको संग तीन बुँदे सहमति गरेको छ । सहमतिमा पहिलो तत्कालका लागि सो क्षेत्रबाट आवतजावत बन्द गर्ने, दोस्रो कल्भर्ट निर्माण कार्य हालका लागि रोकी सिमा छुट्याउन यथासिघ्र दुबै देशले पहल गर्ने र तेस्रो हत्याको अनुसन्धान गरि दोषीलाई कारबाहि गर्ने । गोलि चलाउनेको नाम सर्बेन्द्र सुक्ला रहेको स्रोतले बताएको छ । भारतीय सिमा सुरक्षा बल एसएसबीले नेपाली जनता तथा प्रहरी माथी १२ राउण्ड गोलि प्रहार गरेको थियो भने नेपाल ससस्त्र प्रहरी पछि हटेको थियो ।
एसएसबी र भारतीय स्थानीयको आक्रमणबाट २ दर्जन भन्दा बढी स्थानीय घाइते, आधा दर्जन भन्दा बढी नेपाल प्रहरी र ससस्त्र प्रहरी घाइते भएका छन । नेपाली बजार आनन्द बजार मै घुसेर हतियार सहितका एसएसबीले नेपाली नम्बरको दुई मोटरसाइकल तोडफोड गरेका छन । दुई वटा घरमा तोडफोड गरका छन । घरमा भएको दराज, कुर्सी टेबल सबै केही लगेका छन भने केहि तोडफोड गरेका छन । वार्ता गर्न आएका प्रमुख जिल्ला अधिकारीलाई आक्रोशित जनताले मुर्दाबादको नारा लगाउदै २ घण्टा सम्म घेराउ गरि ढुंगामुढा प्रहार गरेका थिए ।
वैशाख १८, काठमाडौँ। सर्वोच्च अदालत ले ट्राफिक नियम उल्लंघनका नाममा सवारी चालकको लाइसेन्स, ब्लुबुक वा
काठमाडौँ, वैशाख १७ । सार्वजनिक पदमा रहेका तथा सेवा निवृत्त उच्च पदाधिकारीको सम्पत्ति छानबिन गर्न
क्यानबेरा (अस्ट्रेलिया) १६वैशाख (रासस/एएनआई) : दक्षिण अस्ट्रेलियाको एडिलेडको पाराफिल्ड एयरपोर्टमा अवतरण गर्ने क्रममा विमान दुर्घटना
बैशाख १५, काठमाडौं । नेपाल ट्रेड युनियन महासंघ (जिफन्ट) ले १३७औं अन्तर्राष्ट्रिय श्रमिक दिवस (मे दिवस)
काठमाडौँ, १३ वैशाख २०८३।सर्वोच्च अदालत को संवैधानिक इजलासले १५ प्रतिशत वा सोभन्दा बढी सेयर स्वामित्व
काठमाडौं, बैशाख ९ । गृहमन्त्री सुदन गुरुङले पद सम्हालेको २७ दिनमै राजीनामा दिएका छन्। विवादित
