२४ माघ, काठमाडौं । सोमबार काठमाडौंबाट प्रकाशित दैनिक पत्रपत्रिकाहरुले सुन तस्करी प्रकरणमा नेपाल प्रहरीका एसएसपी श्याम खत्री पक्राउ परेको समाचारलाई फ्रन्टपेजमा छापेका छन् । त्यस्तै नारायणी उपक्षेत्रीय अस्पतालबाट माघ २१ गते 
हराएको शिशु भेटिएको समाचारले पनि फ्रन्टपेजमा स्थान पाएको छ ।
नयाँ पत्रिका दैनिकले ‘के हुन्छ स्थानीय तह पुनर्संरचना प्रतिवेदन ?’ शीर्षकमा मुख्य समाचार छापेको छ । त्यस्तै रामेछापमा मन्दिरभित्र पसेका दलितलाई ५ हजार रुपैयाँ जरिवाना तिराएको समाचारलाई पनि स्थान दिएको छ ।
नागरिक दैनिकमा निर्वाचन आयोगले सरकारलाई जेठ १ र १९ गते स्थानीय चुनाव गर्न प्रस्ताव गरेको समाचार महत्वका साथ प्रकाशित छ ।
अन्नपूर्ण पोस्ट् दैनिकले मोर्चालाई रिझाउन कांग्रेस सभापति शेरबहादुर देउवा सक्रिय भएको समाचारलाई प्राथमिकता दिएको छ । काठमाडौं उपत्यकाबाट टेम्पो र माइक्रोबस हट्ने भएको समाचारले पनि महत्व पाएको छ ।
राजधानी दैनिकले १६ दिनसम्मका लागि संसद स्थगित भएकोलाई मुख्य समाचार बनाएको छ ।
कान्तिपुर दैनिकले संविधान संशोधनपछि मात्रै चुनाव गर्न कांग्रेस र मोर्चाबीच सहमति भएको समाचारलाई प्राथमिकता दिएको छ ।
गोरखापत्र दैनिकले हुलाकी राजमार्गमा दश नयाँ शहर बन्ने समाचारलाई महत्व दिएको छ ।
नेपाल समाचारपत्र दैनिकमा काठमाडौं हतियार भित्रिरहेको खुलासा भएको समाचारले फ्रन्टपेजमा स्थान पाएको छ ।
महाशक्ति राष्ट्र अमेरिकाका राष्ट्रपति डोनाल्ड ट्रम्पले पद सम्हालेयता उच्च शिक्षा हाशिल गर्न त्यसतर्फ जाने नेपाली विद्यार्थीको संख्या ह्वात्तै घटेको
खबर आजको नागरिकमा छ ।
राष्ट्रपति ट्रम्पले आप्रवासी सम्बन्धी कठोर नीति लिएका कारण विद्यार्थीमा अमेरिका आकर्षण घटेको हो ।
आइतबार अमेरिकाको नो अब्जेक्शन लेटर लिने विद्यार्थी शून्य भएपछि शिक्षा मन्त्रालयका पदाधिकारी आश्चर्यमा परेका छन् ।
शिक्षा मन्त्रालयका उपसचिव डिल्लिश्वर प्रधानका अनुसार अंग्रेजी महिनाको सुरू अर्थात जनवरी लागेदेखि अमेरिकाका लागि नो अब्जेक्सन लेटर लिने विद्यार्थीको संख्या घट्दै गएको छ ।
उपसचिव प्रधानले उपलब्ध गराएको तथ्यांक अनुसार मंसिर १ देखि पुस १६ गतेसम्म ६ हजार तीन सय ६६ बिद्यार्थीले नोअब्जेक्सन लेटर लिएका थिए । यसमा असट्रेलिया जाने विद्यार्थी धेरै थिए भने दास्रो स्थानमा अमेरिका थियो ।
राट्रिपति ट्रम्पको उदयसँगै अमेरिका जाने नेपाली विद्यार्थी ह्वात्तै घटेको उनले बताए ।
त्यस अवधिमा नोअब्जेक्सन लेटर लिनेमध्ये अष्ट्रेलिया जाने ३ हजार ३ सय ८८ थिए भने अमेरिका जाने ९ सय ५९ बिद्यार्थी रहेको प्रधानले बताए ।
उनका अनुसार जनवरी १ देखि अमेरिकाको लागि नोअब्जेक्सन लेटर लिन आउने विद्यार्थीको संख्या शुन्य छ ।
नेत्रविक्रम चन्द विप्लव नेतृत्वको नेकपा माओवादीले गोरखाका गाविस सचिवलाई धम्कीको शैलीमा चन्दा मागेको खबर आजको अन्नपूर्ण पोष्टमा छ ।
फगुन १ गते राजधानीमा हुने अधिवेशनका लागि भन्दै माओवादीले आफूहरुसँग चन्दा मागेको सचिवहरुको भनाइ छ ।
उद्दण्ड शैलीमा चन्दा मागेका छन् खोप्लाङका गाविस सचिव ऋषिराम पौडेलले भने १० हजार रुपैयाँभन्दा कम नौ हजार नौ सय ९९ रुपैयाँ दिए पनि हामी लिन्नौं । नदिए पछि हामीले जहाँ बोलाएका छौं, त्यहीँ आएर दिनुपर्छसमेत भने । तर आफूले गाउँपरिषद्मा निर्णय गरी गाविसको पैसा खर्च गर्न नमिल्ने अडान लिएको उनको भनाइ छ ।
आफूसँग रामबादुर लामिछाने भन्ने माओवादी कार्यकर्ताले धम्कीको भाषामा चन्दा मागेको धावा गाविसका सचिव हरीश ओखेडाले जानकारी दिए । शान्ती प्रक्रियामा आइसकेपनि धम्क्याएर चन्दा माग्दा आफू आश्चर्यचकित भएको उनको भनाइ छ ।
यता विप्लव माओवादीका गोरखा संयोजक योगेन्द्र कुमालले भने अधिवेशनका लागि चन्दा माग्ने निर्णय भएपनि धम्क्याएर चन्दा असुली नगरिने बताए ।
चितवन, कात्तिक ३० गते । नेपालमा बाहिरबाट आउने महको आयात रोकिएसँगै यहाँका किसानले उत्पादन गरेको महले
२२ कात्तिक, काठमाडौं । सांसदको एक समूहले राष्ट्रपति रामचन्द्र पौडेललाई भेटेर आगामी कोप २९ मा
कात्तिक ११, काठमाडौँ। प्रधानमन्त्री केपी शर्मा ओलीले सत्ता सौदाबाजीका लागि राष्ट्रियताका हितका प्रश्नमा कुनै सम्झौता नगरिने
असोज २२,काठमाडौँ । यही असोज १० गतेदेखि १२ गतेसम्म परेको अविरल वर्षापछिको बाढी तथा पहिरोका
काठमाडौँ, असोज ९ गते । साल्ट ट्रेडिङ कर्पोरेशन लिमिटेडको सहकार्यमा जुत्ता उत्पादक सङ्घ नेपालले उपत्यकाका
भदौ २१, काठमाडौँ। नेपाल दूरसञ्चार प्राधिकरणले टिकटकमा लगाएको सबै प्रतिबन्ध हटाएको छ। शुक्रबार सूचना सार्वजनिक गर्दै
