ट्रम्पलाई अदालतको झट्का, अमेरिकामै रहने भए शरणार्थीहरु

न्यूयोर्क, १६ माघ । अमेरिकी राष्ट्रपति डोनाल्ड ट्रम्पको कार्यकारी आदेशमाथि न्यूयोर्कका एक न्यायाधीशले रोक लगाइदिएका छन् ।

ट्रम्पले सातवटा मुस्लिम बाहुल्यता रहेको देशका शरणार्थी र पर्यटकलाई अमेरिका छिर्न प्रतिबन्ध लगाएका थिए । द अमेरिकन सिविल लिबर्टिज युनिएन (एसीएलयू)ले ट्रम्पको यस्तो आदेशको विरुद्ध शनिबार रिट निवेदन दर्ता गरेको थियो ।

एसीएलयूले ट्रम्पको आदेशपछि हिरासतमा लिइएका मानिसहरुलाई अब देशबाहिर पठाउन सकिने छैन । समूहका अनुमान छ कि ट्रम्पको आदेशपछि एकदेखि दुई सयसम्म मानिसहरुलाई विमानस्थलको हिरासतमा राखिएको छ ।

डोनाल्ड ट्रम्पको प्रवासीविरुद्धको कडा कदमपछि अमेरिकाका कयौं विमानस्थलमा प्रदर्शन गरिएको थियो । अदालतको फैसलापछि उत्साहित भीडले अदालतको बाहिर पुगेर निर्णयको स्वागत गरेका थिए । न्यायाधीशले सरकारले हिरासतमा लिएका सबै शरणार्थी तथा पर्यटकको सूचि समेत मागेको छ ।

अदालतले अब फेब्रुअरीको अन्त्यतिर यससम्बन्धमा अर्को सुनुवाई गर्नेछ ।