August 20, 2016

किरात राई यायोक्खाको प्रतिमा सार्वजनिक

काठमाडौं ।  किरात राई यायोक्खाको प्रतिमा सार्वजनिक गरिएको छ । यायोक्खा बाइस भाषी किरातहरुको साझा संस्था हो ।
शनिबार राजधानीको संवाद डबलीमा आयोजित एक विशेष कार्यक्रममाझ सो प्रतिमा (स्केच) सार्वजनिक गरिएको हो ।

प्रतिमाले आदिम किरात पूर्खाको झलक दिने विश्वास किरात अगुवाहरुले गरेका छन् । अगुवा ज्ञानबहादुर राईको संयोजकत्वमा गठित आठ सदस्यीय प्रतिमा स्थापना समितिले लामो समयको अध्यायन र अनुसन्धानबाट बनाएको हो ।
‘यो प्रतिमाले किरात समुदायको आदिमकालीन पहिचान र इतिहास बोकेको छ’ तुवाचुङ जयाजुङ संरक्षण समितिका अध्यक्ष चतुर्भक्त राईले भने ।

प्रतिमाको पूर्ण कद खोटाङको महादेवस्थान–२स्थित तुवाचुङ जयाजुङ डाँडामा निर्माण गरिने प्रतिमा स्थापना समितिका सचिव एवं किरात राई यायोक्खाका उपमहासचिव जनक राईले जानकारी दिए ।

कार्यक्रममा किरात राई यायोक्खा पूर्वाध्यक्ष सुमाया राईले प्रतिमा सार्वजनिकबाट किरात राईको इतिहासको उजागर भएको बताइन् ।
त्यस्तै यायोक्खाकै अर्का पूर्वाध्यक्ष कुलबहादुर राईले लामो समय लगाएर भएपछि प्रतिमाको वृत्तचित्र बनाएर किरातहरुले आप्mनो पहिचान दिन सफल भएको बताए । यसैमा सम्पूर्ण किरात भाषीहरु गोलबन्द हुनुपर्छ’ उनले भने ‘सबैजना एकजुट भएर पूर्खा र इतिहासको संरक्षण गर्नु किरात समुदायको प्रमुख कर्तव्य हो ।’

कार्यक्रमका प्रमुख अतिथि एवं किरात राई यायोक्खाका उपाध्यक्ष दीवस राईले किरात समूदायको धर्म र संस्कृतिको संरक्षणका लागि राज्यले बेवास्ता गर्दै आइरहेको बताए । संरक्षणमा सरकारले हेला गरेको छ’ उपाध्यक्ष राइले भने । राज्यले किरात धर्म र संस्कृत संरक्षणमा ठोस रुपमा बजेट छुट्याउनुपर्नेमा उनले जोड दिए । ‘अहिलेसम्म आफ्नै समुदायकै बलबुतामा धर्म, संस्कृतिको संरक्षण गर्दै आएका छौं । अब राज्यले यसमा बजेट छुट्याउनुपर्छ’ उनले भने ।

कार्यक्रममा राज्य पुनरसंरचना आयोगको ५६५ स्थानीय निकाय गठनको प्रस्तावमा किरात समुदायको कुनै पहिचान झल्कने नामाकरण नरहेको भन्दै वक्ता एवं किरात अगुवाहरुले आपत्ति जनाए । कार्यक्रममा किरात प्रतिमा अंकित टिसर्ट पनि सार्वजनिक गरिएको थियो ।
सार्वजनिक प्रतिमा स्केच इतिहासविद्को सल्लाहसुझाव र प्राप्त तथ्यहरुमा आधारित किरात राई प्राज्ञ परिषद्को तर्फबाट अर्जुन खालिङले गरेका हुन् ।
कार्यक्रममा शान्तिकुमारी राई, प्रमिला राई, धिराज राई, प्रविन पुमा, हरि के सम्पाङ, चन्द्रविक्रम राई, मोनिकुमार राई, जानुका राई, नारदमुनि हरतुम्छाली, शान्तिराम राईलगायतको अथितिको रुपमा उपस्थिति रहेको थियो ।

प्रतिक्रिया दिनुहोस्
सम्बन्धित वर्गका समाचारहरू

एआईको दुरुपयोग रोक्न मुख्य चुनौती : मन्त्री पन्त

जेठ ९,काठमाडौँ । शिक्षा, विज्ञान तथा प्रविधिमन्त्री रघुजी पन्तले सञ्चारमाध्यमहरूबाट व्यक्तिहरू ‘भिक्टिमाइज’ हुने प्रवृत्ति बढ्दै गएको

अपराध न्यूनीकरणका उपाय

निशा चौधरी  ५ जेठ २०८२, समाजमा विभिन्न किसिमका नियम, कानुन, मूल्य र मान्यता रहेका हुन्छन्

महान्यायाधिवक्ताद्वारा उच्च सरकारी वकिल कार्यालयको भवन शिलान्यास

०८२ वैशाख २९ गतेकाठमाडौँ । : महान्यायाधिवक्ता रमेश बडालले उच्च सरकारी वकील कार्यालय, पाटनको भवन शिलान्यास

कोलकाताको ऋतुराज होटलमा आगलागी, १५ जनाको मृत्यु

कोलकाता, वैशाख १७ गते । भारतको कोलकाता सहरको एक होटलमा भीषण आगलागी हुँदा कम्तीमा १५ जनाको

दुर्गा प्रसाईं र अंगरक्षक दिपक खड्का पक्राउ

 चैत २९, काठमाडौं । मेडिकल व्यवसायी दुर्गा प्रसाईं पक्राउ पर्नुभएको छ । नेपाल प्रहरी प्रधान

प्रतिनिधिसभा बैठकअघि सभामुखले प्रमुख सचेतकहरुसँग छलफल गर्दै

काठमाडौँ,  चैत १७ गते । प्रतिनिधिसभाको आजको बैठक सुरु हुनुअघि सभामुख देवराज घिमिरेले राजनीतिक दलका