काठमाडौं, १७ चैत्र । खेल क्षेत्रको सम्बद्र्धनका लागि सरकारले राष्ट्रिय खेलकुद परिषद गठन गरेको हो । स्वदेश तथा विदेशमा हुँदे राष्ट्रिय तथा अन्तर्राष्ट्रिय प्रतियोगिताहरुमा खेलकुद परिषदको ठूलो भूमिका रहने गर्दछ ।
विदेशमा हुँदे सबै अफिसियल खेलकुद प्रतियोगीतामा खेलाडी पठाउँदा राष्ट्रिय खेलकुद परिषदका सदस्य सचिवको प्रत्यक्ष भूमिका रहने गरेको छ । राष्ट्रका वास्तविक खेलाडीलाई विदेशमा हुँने महत्वपूर्ण प्रतियोगितामा पठाउँनु पर्ने परिषदका सदस्यसचिवले नक्कली खेलाडीलाई ‘वर्किङ भिषामा’ मानव तस्करी गरिरहेको डरलाग्दो खुलाशा भएको छ ।
दियोपोस्टले फेला पारेकाे प्रमाण अनुसार विष्टकै हस्ताक्षरमा केही व्यक्ति विभिन्न देशमा कामको शिलशिलामा विदेश गएको पाइएको हो । स्रोतका अनुसार विष्टको समलग्नतामा १२ नेपालीलाई वर्किङ भिषामा अष्ट्रेलिया पठाइएको हो । उनीहरुले लेटरप्याड भने राष्ट्रिय खेलकुद परिषदको ‘लेटरहेड’ प्रयोग गरेका छन् ।
भिषा नाेटिफिकेशन लेटर तथा राखेपकाे सिफारिस पत्र
भिसा नोर्टिफिकेशन लेटरमा भिसाको क्याटागोरी भने ४५७ उल्लेख गरिएको छ । ४५७ भनेको कामदारको भिषा हो । ५ जुलाई २०१७ मा उनले दर्जन नेपालीलाई वर्किङ भिषामा अष्ट्रेलिया पठाएको भेटिएको हो ।
स्रोतका अनुसार विष्टले खेलाडीको बिल्ला भिराएर तस्करी गरिएका ती युवाबाट उनले प्रतिव्यक्ति १५ लाख रुपैयाँको दरले असुलेका छन् ।
के भन्छन् राखेपका कर्मचारी ?
राष्ट्रिय खेलकुद परिषदमा कार्यरत एक कर्मचारीका अनुसार विष्टले करोडौं रकम समेत हिनामिना गरेका छन् । ‘परिषदभित्र हुँने मानव तस्करी त सदस्य सचिव ज्युको पेसा नै भइसक्यो,’ एक कर्मचारी भन्छन्,‘यसअघि पनि दर्जनौं व्यक्तिलाई खेलाडी बनाएर वर्किङ भिषामा बाहिर पठाएको देखिएको छ ।’
त्यसो त विष्टले यसअघि पनि जापानमा मानव तस्करी गरेको खुलाशा भएको थियो । अख्तियारमा समेत उक्त मुद्दा विचाराधिन छ ।
यसअघिका खेलकुद मन्त्री पुरुषोत्तम पौडेलले नियुक्त गरेका सदस्य सचिव विष्टले लामो समयदेखि परिषदमा मनोमानी गर्दै आएका छन् ।
विष्टको फोन उठेन
यस विषयमा हामीले सदस्यसचिव केशव विष्टको मोबाइल नम्बरमा फोन गरेका थियौँ । तर, विष्टको मोबाइल नम्बरमा पटकपटक फोन गर्दा समेत उनले उठाएनन् ।
दियो पोष्टबाट साभार गरिएको
वैशाख २७, विराटनगर। कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मतकुमार कार्की नियुक्त हुनुभएको
काठमाडौँ, २५ वैशाख । वैदेशिक रोजगारीका नाममा पछिल्लो समय ठगीका घटना बढेपछि श्रम, रोजगार तथा सामाजिक
वैशाख २३ । प्रतिनिधि सभाका सभामुख देवराज घिमिरेले सुनसरीको चतरामा लागेको महाकुम्भ भेलाले आन्तरिक तथा बाहय
वैशाख १७, काठमाडौँ। सरकारले तोकेको न्यूनतम पारिश्रमिक नदिने उद्योग र प्रतिष्ठानको सङ्ख्या छ प्रतिशतले बढेको
वैशाख १४,काठमाडौँ । प्रधानमन्त्री पुष्पकमल दाहाल ‘प्रचण्ड’ले देशमै बसेर केही गर्नुपर्छ भन्ने भावना जागृत गर्न
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
