नेकपाको सचिवालय बैठक जारी, सांगठनिक एकता प्रक्रियाबारे छलफल हु

काठमाडौं, साउन २३ । नेपाल कम्युनिष्ट पार्टी नेकपाको सचिवालय बैठक बसिरहेको छ । राजधानीको बालुवाटारस्थित प्रधानमन्त्री निवासमा जारी बैठकमा भ्रातृ संगठनहरुको सांगठनिक एकता प्रक्रियाबारे छलफल हुने प्रबक्ता नारायणकाजी श्रेष्ठले जानकारी दिए ।

तत्कालिन नेकपा एमाले र माओवादी केन्द्रबीच एकता भएको साढे २ महिना बितिसक्दा पनि पार्टी भ्रातृ संगठनबीचको एकता प्रक्रिया अन्यौलमा परेको छ । सोहि अन्यौलता हटाउदै संगठानिक एकता प्रक्रियालाई गति दिने बिषयमा आजको बैठक केन्द्रित रहने नेताहरुले बताएका छन् ।

भ्रातृ संगठनबीचको एकताका लागि गठित कार्यदलले आफ्नो काम अन्तिम चरणमा पुर्‍याएकोले त्यसमा बिलम्ब नहुने नेताहरुको भनाई छ । स्पष्ट मापदण्डका आधारमा भ्रातृ संगठनबीचको एकता प्रक्रियालाई टुङ्ग्यानकै लागी बैठक बस्न लागेको सचिवालय सदस्य झलनाथ खनालले बताए ।

तत्कालिन एमाले र माओवादी केन्द्रबीच गत जेठ ४ गते पार्टी एकता भएपनि जनवर्गीय तथा भ्रातृ संगठनको एकता प्रक्रिया भने कार्यविधि र नियमावली अभावमा रोकिएको थियो ।

केन्द्रदेखि स्थानीय तहसम्मको एकता भदौको पहिलो साताभित्र सक्ने गरी तयारी भइरहेको नेकपाले जानएको छ । त्यसका लागि तल्लो तहबाट सुझाव मागेको र सोही सुझावका आधारमा एकता गरिने नेताहरुको भनाई छ ।