काठमाडौं, साउन ६ ।
प्रधानमन्त्री केपी शर्मा ओलीसँग चीनको अन्तर्राष्ट्रिय विकास सहायता नियोग (CIDCA) का अध्यक्ष चेन सियाओदोंग नेतृत्वको प्रतिनिधिमण्डलले मङ्गलबार शिष्टाचार भेट गरेको छ।
भेटवार्ता प्रधानमन्त्री निवास बालुवाटारमा सम्पन्न भएको हो। भेटका क्रममा नेपाल–चीन सम्बन्ध, सोमबार अर्थ मन्त्रालयमा सम्पन्न चारवटा द्विपक्षीय समझदारी, तथा विगतमा भएका उच्चस्तरीय भ्रमणहरूमार्फत अघि बढाइएको विकास सहकार्यका सम्झौताहरूको कार्यान्वयनबारे विस्तृत छलफल भएको प्रधानमन्त्रीको सचिवालयले जनाएको छ।
प्रधानमन्त्री ओलीले नेपाल र चीनबीचको ऐतिहासिक, घनिष्ठ र मैत्रीपूर्ण सम्बन्धको स्मरण गर्दै नेपाल एक चीन नीतिप्रति दृढ प्रतिबद्ध रहेको दोहोर्याए। हालैको आकस्मिक बाढीका कारण क्षति पुगेको रसुवागढी नाकामा चीनले दिएको प्राथमिकतापूर्ण सहयोगप्रति धन्यवाद दिँदै, नेपाली पक्षले पनि संरचना पुनःनिर्माणमा तदारुकता देखाएको बताउनुभयो। प्रधानमन्त्रीले नेपाललाई भूपरिवेष्टित अवस्थाबाट भूजडित राष्ट्र बनाउने लक्ष्यमा सहयोग पुर्याउने गरी किमाथाङ्का लगायतका नाकाहरू सञ्चालन गर्नुपर्नेमा जोड दिनुभयो। साथै, ‘बेल्ट एण्ड रोड इनिसिएटिभ (BRI)’ अन्तर्गतका परियोजनाहरू अवरोधविना अगाडि बढ्नुपर्ने धारणा राख्नुभयो।
भेटमा प्रधानमन्त्रीका प्रमुख सल्लाहकार विष्णुप्रसाद रिमाल, आर्थिक विकास सल्लाहकार डा. युवराज खतिवडा, नेपालका लागि चिनियाँ राजदूत चेन सोङ र परराष्ट्र मन्त्रालयका उच्च अधिकारीहरूको उपस्थिति थियो। यसअघि, सोमबार सिड्का प्रतिनिधिमण्डलले उपप्रधानमन्त्री तथा अर्थमन्त्री विष्णुप्रसाद पौडेलसँग विकास साझेदारीका विषयमा छलफल गरेको थियो। सो अवसरमा चीनको सहयोगमा सञ्चालित तथा आगामी योजनामार्फत सञ्चालन हुने चार परियोजनासम्बन्धी समझदारीपत्रमा हस्ताक्षर गरिएको थियो।
बिहीबार, मंसिर १८, काठमाडौँ । जेनजी प्रदर्शनका क्रममा ‘आपराधिक गतिविधि’मा संलग्न भनिएका व्यक्तिहरूका मुद्दा फिर्ता
मंसिर १७, काठमाडौँ — उज्यालो नेपाल पार्टीकी केन्द्रीय सदस्य रीमा विश्वकर्माले निष्ठा, इमान्दारिता र परिवर्तनमुखी
मंसिर १७, काठमाडौं। सहरी विकास, ऊर्जा, जलस्रोत तथा सिँचाइ, र भौतिक पूर्वाधार तथा यातायातमन्त्री कुलमान
मङ्सिर १६, मंगलबार । राष्ट्रिय ज्येष्ठ नागरिक महासङ्घले सामाजिक सुरक्षा भत्ता वृद्धि सहित ज्येष्ठ नागरिकमैत्री
१५ मंसिर २०८२, सोमबारनेपालमा सरकारी सेवा लिन चाहने जनसाधारणको अनुभव झनै निराशाजनक बन्दै गएको छ।
काठमाडौँ, मङ्सिर १४ गते । नेपाल विद्युत प्राधिकरणको अगुवाइमा सङ्खुवासभाको भोटखोला गाउँपालिकामा निर्माण हुने एक हजार
