अन्त्यष्टि कार्यक्रममा गृहमन्त्री रामबहादर थापा, सञ्चार तथा सूचना प्रविधिमन्त्री पार्वत गुरुङ, पूर्वमन्त्री आनन्दप्रसाद पोखरेल, नेकपा एमालेका कार्यालय सचिव शेरबहादुर तामाङलगायतका नेता कार्यकर्ताहरु उपस्थित हुनुु भएको थियो । यस अघि अस्पताल परिसरमा नेपाल सरकारका प्रवक्ता एवम् सञ्चार तथा सूचना प्रविधिमन्त्री गुरुङले उहाँको पार्थिव शरीरमा राष्ट्रिय झण्डा ओढाएर श्रद्धाञ्जलि अर्पण गर्नुुभएको थियो भने नेकपा एमालेका अनुुशासन आयोगका अध्यक्ष अमृतकुमार बोहोराले पार्टीको झण्डा ओढाएर सम्मान गर्नुभएको थियो ।
नेता चौलागाईँ दोलखाबाट बागमती प्रदेश सभा सदस्यमा निर्वाचित हुनुु भएको थियो । पार्टी भित्र र बाहिर भद्र, शालिन र बौद्धिक व्यक्तित्वको रुपमा परिचित उहाँ संविधान सभा सदस्य हुनुुहुुन्थ्यो । युवा संघ नेपालका पूर्व अध्यक्ष चौलागाईँ दोलखाबाट प्रतिनिधिसभा सांसद समेत हुनुु भएको थियो ।
यसैबीच, दोलखा प्रतिनिधिसभाका सांसद समेत रहनुु भएका सञ्चारमन्त्री गुरुङले नेता चौलागाईँको निधनप्रति गहिरो दुुःख व्यक्त गर्नु भएको छ । उहाँले दोलखाली जनताले आफ्नो प्यारो नेता गुुमाएको, नेपालको कम्युनिष्ट आन्दोलन र आफूूहरुले भद्र, शालिन, बौद्धिक अभिभावक गुुमाउनु परेको उल्लेख गर्दै उहाँले देखाउनु भएको बाटोबाटै अघि बढने प्रतिवद्धता समेत व्यक्त गर्नु भयो ।