काठमाडौं, असार २५ः बिहीबार सिन्धुपाल्चोकको बाह्रबीसेमा आएको भीषण बाढी तथा पहिरोमा परी गम्भीर घाइते भएका दुईजनालाई हेलिकप्टर मार्फत उद्धार गरी काठमाडौं ल्याइएको छ।बाह्रबिसे नगरापलिका–५ जम्बु–मानेश्वाराँमा पहिरो तथा खहरे खोलामा आएको बाढीका कारण मृत्यु भएका एक बच्चा र एक युवकको शव फेला परेको छ । २० जना बेपत्ता भएको र उनीहरुको खोजी भइरहेको बताइएको छ ।
बाढी तथा पहिरोका कारण ११ वटा घरमा पूर्ण क्षति भएको जिल्ला प्रहरी कार्यालय सिन्धुपाल्चोकका प्रहरी प्रवक्ता प्रहरी नायव उपरीक्षककाफ्लेले जानकारी दिए ।
यस्तै बाह्रबिसे–३ मा खाकदल खोलाको बाढीले कच्ची–पक्की गरी २० घर बगाएको जिल्ला प्रहरी कार्यालय सिन्धुपाल्चोकले जानकारी दिएको छ। बाढीले भोटेकोशीको पुल पनि बगाएको जनाएको छ ।
यस्तै अरनीको राजमार्ग विभिन्न ठाउँमा बगाएको उनले बताए । केही गाडी पनि बाढीले बगाएको छ । मानवीय क्षतिबारे विस्तृत विवरण आउन बाँकी रहेको उनले बताए ।
