रविका समर्थक र प्रहरीबीच झडप: समर्थकमाथी अश्रुग्यास प्रहार

भाद्र ९, चितवनमा : चितवनमा रविको समर्थक र प्रहरी बीच झडप भएको छ ।  

साउन २० गते पत्रकार शालिकराम पुडासैनीको मृत्यु प्रकरणमा पक्राउ परेका रविको रिहाई माग गर्दै प्रदर्शनमा उत्रेका उनका  समर्थक र प्रहरीबीच झडप भएको हो ।  

प्रहरीले रविको समर्थन गर्दै प्रदर्शनमा उत्रेका उनका समर्थकमाथी  अश्रुग्यास समेत प्रहार गरेका छन्  ।

प्रदर्शनको क्रममा बाईपास रोडमा ना ४ ख ४३२५ र ना ६ ख ४२७१ नम्वरको ट्रक र ना १ ज ७०६९ नम्वरको म्याजिक भेन समेत तोडफोड भएको छ ।

गत साउन २० गते  चितवनस्थित  होटल कंगारुमा पत्रकार शालिकराम पुडासैनी झुण्डिएको अवस्थामा भेटिएका थिए । पुडासैनीले मृत्युअघि  संचारकर्मी रवि लामिछाने, युवराज कँडेल र अस्मिता भनिने रुकु कार्कीलाई आफ्नो हत्याको दोष लागाउँदै खिचेको भिडियो सार्वजनिक भएपछि  सोही भिडियोको आधारमा रवि सहित तीनै पक्राउ  परेका थिए ।

जनप्रिय पत्रकार लामिछाने पक्राउ परेपछी चितवनमा दैनिकी जसो उनको रिहाईको लागि उनका समर्थकले बिभिन्न नाराबाजी गर्दै प्रदर्शन गर्दै आईरहेका छन् । आज चितवनमा प्रहरीलेले चौबीसकोठी देखि मालपोत चोक सम्म पाँच जना भन्दा बढी जम्मा हुन, हिँँड्डुल गर्न रोक लागएको छ भने रबीको रिहाईको माग गर्दै  सुनाकोठीमा प्रदर्शनमा उत्रेका उनका समर्थक माथी अश्रुग्यास समेत प्रहार गरेका छन् ।