जेठ १७, काठमाडौं ।
३६ हजार घुुस वापतको रकम सहित महोत्तरीमा जनप्रतिनिधि अख्तियारको नियन्त्रणमा परेका छन् । धर्मशालाको रकम निकासा गराउन सहज गराइदिन भनी सेवाग्राहीसँग घुस लिएपछि एकडारा गाउँपालिका वडा नं ४ का वडा सदस्य रामचन्द्र राय यादव शुक्रबार पक्राऊ परेका हुन् ।
अख्तियार दुरुपयोग अनुसन्धान आयोगका अनुसार घुस रकम सहित जलेश्वर नगरपालिकास्थित सैलेश चोकबाट रङ्गेहात नियन्त्रणमा लिइएको हो । अख्तियार प्रवक्ता प्रदीपकुमार कोइरालाका अनुसार यादवमाथि अनुसन्धान भइरहेको छ ।
