नेपाली स्टार सन्दिप आईपीएलको इमर्जिङ प्लेयरको सूचिमा, जिताउँनका लागि यसरी भोट गराैँ

३ बैशाख , काठमाडाैँ : विश्व चर्चित तथा प्रतिष्ठित फ्रेन्चाइज क्रिकेट लिग इन्डियन प्रिमियर लिग(आईपीएल) भारतका विभिन्न सहरमा जारी छ । हालसम्म ३० खेलको समाप्तिमा अंक तालिकामा चेन्नईले शीर्षस्थानमा पकड बनाएको छ ।

गत सिजन जस्तै यो सिजन पनि  प्रतियोगितामा उत्कृष्ट प्रदर्शन गर्ने युवा खेलाडीलाई प्रदान गरिने एमरर्जिङ प्लेयर अवार्डको दावेदार खेलाडीमा नेपाली लेग स्पिनर सन्दीप लामिछाने मनोनयनमा पर्न सफल भएका छन् । दिल्ली क्यापिटल्सबाट सुरुवाती ४ खेलमा ५ विकेट लिँदै उत्कृष्टता दर्शाएका सन्दीप इमरर्जिङ प्लेयर अवार्डको मनोनयनमा परेका हुन् ।

यस सिजनमा इमरर्जिङ प्लेयर अवार्डमा सन्दीप सहित रोयल च्यालेन्जर्स बेंगलोरका मोहम्मद सिराज, मुम्बई इन्डियन्समा राहुल चाहर,राजस्थान रोयल्सका जोफ्रा आर्चर र श्रेयस गोपाल छन् । यी पाँच खेलाडीको लागि यो अवार्डको लागि भोटिङ खुल्ला भएको छ । आईपीएलको आधिकारीक वेवसाईटमा गएर अवार्डका लागि आँफुलाई मनपर्ने खेलाडीलाई  भोट गर्न सकिन्छ । गत वर्ष यो अवार्ड ऋषभ पन्तले पाएका थिए ।