February 27, 2019
February 27, 2019
फागुन १५, काठमाडौँ । पूर्वी पहाडी जिल्ला ताप्लेजुङको फुङलिङमा आज मध्यान्ह भएको हेलिकप्टर दुर्घटनामा ज्यान गुमाएका पर्यटन मन्त्री रविन्द्र अधिकारीले नेपाल कम्युनिष्ट पार्टीबाट राजनीति सुरु गरेका थिए ।
उनी तत्कालिन नेकपा एमाले वर्तमान नेपाल कम्युनिष्ट पार्टी (नेकपा)का प्रभावशाली युवा नेता हुन् । अधिकारीको जन्म कास्कीको भरतपोखरी गाउँमा २०२६ साल बैशाख २२ गते भएको थियो । उनी अखिल नेपाल स्वतन्त्र विद्यार्थी युनियनको प्रारम्भिक कमिटी अध्यक्ष, जिल्ला अध्यक्ष, गण्डकी अञ्चल अध्यक्ष, पृथ्वि नारायण क्याम्पस स्वतन्त्र विधार्थी युनियन स्ववियू सभापति, त्यसपछि त्रिभुवन विश्वविद्यालय केन्द्रीय क्याम्पस, कीर्तिपुर स्ववियू सभापति समेत भएका थिए । उनी कास्कीबाट लगातार तेस्रोपटक निर्वाचित सांसद हुन् ।
कास्कीको शान्ति उदय माध्यामिक विद्यालयबाट एसएलसी पास गरेका अधिकारीले व्यवस्थापन संकायमा स्नातकोत्तर सम्मको शिक्षा हासल गरेका थिए । २०४२ सालमा पृथ्वी नारायण क्याम्पसमा भर्ना भएका उनी त्यसको दुई वर्षपछि उक्त क्याम्पसमा अनेरास्ववियुको प्रारम्भिक कमिटी अध्यक्ष भएका थिए ।
विद्यार्थी संगठनमा २०४५ मा कास्की र २०४७ सालमा गण्डकी अध्यक्ष भएका अधिकारी त्यसको दुई वर्षपछि पृथ्वी नारायण क्याम्पसको स्ववियू सभापति निर्वाचित भए । त्यसपछि काठमाडौं आएका अधिकारी २०५३ सालमा त्रिभुवन विश्वविद्यालय केन्द्रीय क्याम्पस, कीर्तिपुर स्ववियू सभापती समेत भए । त्यसको चार वर्षपछि अनेरास्ववियूको केन्द्रीय अध्यक्ष निर्वाचित अधिकारीले सोही वर्ष तत्कालिन नेकपा मालेबाट प्रतिनिधि सभा निर्वाचन कास्की क्षेत्र नं. १ बाट निर्वाचनमा भाग लिएपनि पराजित भए ।
युवा विद्यार्थी नेता अधिकारीले गायक प्रविण गुरुङ हत्याकाण्डमा पूर्व युवराज पारस शाहलाई कारबाही हुनुपर्ने भन्दै आवाज उठाएपछि राष्ट्रिय राजनीतिमा चर्चा पाएका थिए । उनले त्यत्तिबेला राजधानीमा पारस शाहलाई सजाय हुनुपर्छ भनेर गरेको विद्यार्थी आन्दोलन अझैपनि सम्झन लायक छ । उनले विद्यार्थी कालमा विद्यार्थीहरुको हकहितका लागि बढि आवाज उठाए । विद्र्याथीलाई सार्वजनिक यातायातमा ३३ प्रतिशत छुट हुनुपर्छ भनेर आवाज उठाउनेमा अधिकारी अग्रपंक्तीमा थिए ।
उनी पार्टी एकिकरणपछि २०६० सालमा तत्कालिन नेकपा एमालेको कास्की जिल्ला सचिव भए । ०६२÷६३ को जनआन्दोलनपछि भएको पहिलो संविधान सभा निर्वाचनमा तत्कालिन नेकपा माओवादीले देशभर जनलहर ल्याउँदा कास्की–३ मा अधिकारीले अन्य पार्टीलाई शिर ठाडो पार्न दिएनन् । त्यसयता उनी लगातार तेस्रोपटक सांसद निर्वाचित भए । २०७० को दोस्रो संविधान सभा निर्वाचनपछि उनी संसदको विकास समितिको सभापति पनि भए ।
तत्कालिन नेकपा एमाले र माओवादी केन्द्र एकिकरण पश्चात उनले मन्त्रिपरिषदमा विभागीय मन्त्रीको जिम्मेवारी पाए । युवा नेता भएका कारण अधिकारीले पार्टी र आम जनतामा राम्रो छाप छाडेका थिए । पर्यटन मन्त्रालयको जिम्मेवारी सम्हालेयता मन्त्री अधिकारी केही विवादमा आएपनि उनी पार्टी भित्र स्वच्छ छवी तथा जुझारु नेताका रुपमा चिनिन्छन् । अधिकारीका दुई छोरा र श्रीमती छन् । उनी पुस्तक लेखनमा समेत रुचि राख्दथे । उनका ‘संमृद्ध नेपाल’, संविधान सभाः लोकतन्त्र र पुनसंरचना’ लगायत पुस्तक प्रकाशित छन् ।
कात्तिक कार्तिक १४, काठमाडौं । मलेसिया लाभासीका श्रमिक पठाउने देश वैदेशिक व्यापार व्यवसाय कम्पनीका लागि
आन्दोलनका क्रममा भदौ २४ गते जलाइँदै गरेको राष्ट्रपतिको कार्यालय। राष्ट्रपतिको कार्यालय जोगाउन नसक्दा आलोचना, संविधानले दिएको
२६ असोज २०८२, आइतबार गत भदौ २३ र २४ गते ‘जेनजी’ उमेर समूहका युवाको प्रदर्शनपछि
काठमाडौँ, असोज २४ गते। त्रिभुवन विश्वविद्यालय शिक्षण अस्पताल (टिचिङ अस्पताल) ले अबदेखि चिकित्सकहरूलाई औषधी सिफारिस
काठमाडौँ, असोज ५ गते।जेन–जी आन्दोलनका क्रममा भदौ २४ गते राजधानीमा राज्यका तीन प्रमुख निकाय—प्रधानमन्त्रीको कार्यालय
काठमाडौँ, भदौ २९।‘जेन–जी’ आन्दोलनका क्रममा उत्पन्न हिंसात्मक घटनाले नेपालका प्रमुख सरकारी संरचनासहित सर्वोच्च अदालत, विशेष
