मौसमविद राजु प्रधानांगका अनुसार बंगालको खाडीको दक्षिण पश्चिम क्षेत्रमा ‘फेथाइ’ नामको समुद्री आँधी आएकाले त्यसको प्रभाव नेपालमा पनि परेको हो । ‘फेथाइ’ उत्तरपश्चिम दिशातर्फ सरिरहेको छ । ‘यसैको आंशिक प्रभावका कारणले नेपालमा सोमबार र मंगलबार देशको पूर्वी र मध्य क्षेत्रमा सामान्यदेखि पूर्णतया बदली हुने र केही भागहरुमा हल्का वर्षा हुने सम्भावना रहेको मौसमविद प्रधानांगले बताए । उनका अनुसार उच्च हिमाली क्षेत्रमा हल्कादेखि मध्यम खालको हिमपात पनि हुनेछ । साथै पश्चिमी क्षेत्रहरुमा आंशिक बदली भई एक दुई स्थानमा क्षणिक वर्षा हुने सम्भावना छ । यता तराई क्षेत्रमा समेत बिहानैदेखि चिसो बढेको छ ।
बिहानदेखि घाम देखापरेको छैन भने चिसो धेरै बढेको छ । तराई क्षेत्रका केही जिल्लामा हुस्सु समेत लागेको छ । अन्य दिनको तुलनामा चिसो हवात्तै बढेको स्थानीय बताउँछन ।
