महिला अधिकारकर्मीहरुको सहयोगमा बाराको जंगलबाट बाहिर आएकी १८ वर्षीया ति युवतीले आफूलाई ‘धर्मगुरु’ बम्जनले पटक –पटक बलात्कार गरेको बताइन । बम्जनले बलात्कार गरेको भनिएकी महिला आनी हुन् । उनी ‘धर्मगुरु’ बम्जनको सिन्धुलीस्थित गुम्बामा आनी बन्न गएकी थिइन् । पहिलो पटक दुई वर्ष बम्जनकी श्रीमती काठमाडौं आएको बेला आफूलाई बलात्कार गरेको उनको दाबी छ ।
‘त्यसपछि मलाई निरन्तर बलात्कार गरियो’ बेदना पोख्दै उनले भनिन् ‘मैले प्रहरीमा उजुरी गर्न खोजेकी थिएँ, तर बम्जनकी पत्नीले ज्यान मार्ने धम्कि दिइन । पछिल्लो समय बलात्कारका विषयमा लुकाउनु हुँदैन भन्ने आवाज उठेपछि आफू महिलाअधिकारकर्मीमार्फत न्याय खोज्न काठमाडौं आएको बताइन् ।
‘ममाथि पटक–पटक गुरुले बलात्कार गर्नु भयो । यो विषयमा मैले उजुरी गर्न पनि खोजेकी हुँ’ उनले भनिन्, ‘गुरुको श्रीमतीले यस्तो विषय बाहिर ल्यायो भने हाम्रो धर्मप्रति प्रहार हुन्छ रगतको खोलो बग्छ भन्दै धम्काउनुभयो र मैले उजुरी हाल्न सकिन ।’
