सन्दीप विश्व–११मा सहभागी हुन अाज इङ्ग्ल्यान्ड जाँदै

नेपाली युवा क्रिकेटर सन्दीप लामिछाने आईसीसीले मे ३१ मा आयोजना गरेको विश्व ११ खेलाडी र वेष्टइन्डीज बीच हुने मैत्रिपूर्ण खेलका लागि मंगलबार इङ्ग्ल्यान्ड जाने भएका छन् । 

मंगलबार राति सवा ९ बजेको कतार एयरवेजको फ्लाइट मार्फत् सन्दीप त्यसतर्फ जाने पत्रकार सम्मेलनमार्फत जानकारी दिइयो ।

आईपीएल र विश्व ११ बीचको फरक के छ ? भन्ने सञ्चारकर्मीको जिज्ञासमा उनले भने, “आइपीएल लिग हो तर, विश्व ११ मा वेष्टइण्डिजसँगको मैत्रिपूर्ण खेल आइपीएल भन्दा ठूलो हो ।”

“कुनै पनि खेलमा राष्ट्रको प्रतिनिधित्व गरेको छ भने लिग भन्दा त्यो ठूलो हो । आईपीएल लिग हो क्लबका लागि थियो,  विश्व ११ वेष्टइण्डीजविरुद्ध हुनेछ । अगाडि भने दुवै क्रिकेटको निकैठूलो प्लेटफर्म हो नयाँ खेलाडीका लागि ठूलो अवसर हो,” लगतै उनले थपे ।

प्लेइङ ११ मा पर्ने विषयमा धैर्यता राख्नुपर्छ भनेका छन् । सन्दीपले आइपीएलबाट सिकेको कुरालाई र आफूले सकेजति र भ्याएसम्म राम्रो खेल्ने बताएका छन् ।

विश्व ११ मा पर्ने सन्दीप पहिलो नेपाली खेलाडी हुन् । सन्दीपको उत्कृष्ट लेग स्पीन बलिङ्ले नै उनी विश्व ११ का खेलाडीमा छनोट भएका हुन् ।