बैंगलुरु (एजेन्सी)– प्ले अफका लागि छनोट भइसकेको सनराइजर्स हैदराबाद इन्डियन प्रिमियर लिग (आइपिएल) मा बिहिबार रोयल च्यालेन्जर्स बैंगलोरसँग १४ रनले पराजित भएको छ । जितपछि बैंगलोर पाँचौं स्थानमा उक्लेको छ । अब ४ टोली मुम्बई इन्डियन्स, बैंगलोर, राजस्थान रोयल्स र किङ्स ११ पञ्जाबको समान १२ अंक छ ।
२ सय १९ रनको लक्ष्य पछ्याएको हैदराबादले निर्धारित २० ओभरमा ३ विकेट गुमाएर २ सय ४ रन बनाएको थियो । टोलीका लागि काने विलियम्सन र मनीष पाण्डेले अर्धशतक बनाएपनि सनराइर्ज विजयी हुन सकेन । विलियम्सनले सर्वाधिक ८१ रन र मनीषले अविजित ६२ रन जोडे । विलियम्सनले ४२ बलमा ७ चौका र ५ छक्का प्रहार गरे ।
मनीषले ३८ बल खेल्दै ७ चौका र २ छक्का प्रहार गरे । एलेक्स हालेसले ३७ र शिखर धवनले १८ रन थपे । बैंगलोरका युभभेन्द्र चाहाल, मोहम्मद सिराज र मोइन अलीले समान १ विकेट लिए । त्यसअघि टस हारेर ब्याटिङ गरेको बैंगलोरले निर्धारित २० ओभरमा ६ विकेट गुमाएर २ सय १८ रन बनाएको थियो ।
टोलीका एबी डि भिलियर्स र मोइन अलिले अर्धशतक पुरा गरे । ३९ बल खेलेका डि भिलियर्सले १२ चोका र १ छक्काको मद्दतमा ६९ रन बनाए । ३४ बल खेलेका अलिले ६ छक्का र २ चौका प्रहार गरे । कोलिन डी ग्रान्डहोमेले ४० रन र सरफराज खानले अविजित २२ रन जोडे । १७ बलमा ग्रान्डहोमेले ४ छक्का र १ चौका प्रहार गरे ।
८ बल खेलेका खानले ३ चौका र १ छक्का प्रहार गरे । हैदराबादका रसिद खानले ३, सिद्धार्थ काउलले २ र सन्दीप शर्माले १ विकेट लिए । आइपिएलमा शुक्रबार नेपाली स्पिनर सन्दीप लामिछाने सम्मिलित दिल्ली डेयरडेभिल्सले चेन्नई सुपर किङ्सको सामना गर्नेछ ।
भदौ २१, काठमाडौँ। नेपाल दूरसञ्चार प्राधिकरणले टिकटकमा लगाएको सबै प्रतिबन्ध हटाएको छ। शुक्रबार सूचना सार्वजनिक गर्दै
बनेपा, साउन २३ गते । इन्टरनेशनल तेक्वान्दो फेडेरेशन (आइटिएफ) नेपालको २७ औँ वार्षिकोत्सवको अवसरमा बुधबार
जेठ २, काठमाडौँ। क्रिकेटर सन्दीप लामिछानेले बलात्कार मुद्दामा सफाइ पाउनुभएको छ । उच्च अदालत पाटनले बुधबार
काठमाडौँ, पुस २६ गते । नेपाल क्रिकेट सङ्घ (क्यान)ले नेपाली राष्ट्रिय क्रिकेट टोलीका खेलाडी एवं
पुस २५,काठमाडौं। प्रतिनिधिसभाको कृषि, सहकारी तथा प्राकृतिक स्रोत समिति सभापति डा. आरजु राणा देउवाले बाँझो
काठमाडौं, कात्तिक ९ गते । विश्वमा अचेल सबै उमेर समूहमा टाटु लोकप्रिय भएको छ । विकसित
