प्रधानमन्त्री प्रचण्ड र नेता महराको परिवारैलाई निःशुल्क मोबाइल सेवा दिन्छ एनसेलले 

17547562_1339762359445768_1209342819_o-750x398

चैत १३ । निजी क्षेत्रको मोबाइल सेवा प्रदायक कम्पनी एनसेलले राज्यको माथिल्लो तहमा आफ्नो प्रभाव कायम राख्न विभिन्न तिकड्म गर्ने गरेको विषय बाहिरिएको छ ।
प्रमुख राजनीतिक दलहरुलाई चन्दा दिनु त नयाँ र नौलो विषय भएन । यसबाहेक स साना सेवा पनि प्रभावशाली नेता, उनीहरुको परिवारका सदस्य, माथिल्लो तहका कर्मचारी आदिलाई समेत दिने गरेको बताइएको छ । स्रोतका अनुशार एनसेलले प्रभावशाली मानिसहरुलाई निःशुल्क मोबाइल सेवा दिने गरेको छ ।

एनसेलले नेकपा माओवादी केन्द्रका अध्यक्ष पुष्पकमल दाहाल, उनको परिवारका सबैजसो सदस्यहरु, नेता कृष्णबहादुर महरा र उनको परिवारका सबैजसोलाई यस्तो सुविधा दिएको बुझिएको छ ।

पैशा तिर्नु नपर्ने सिम एनसेलले माथिल्लो तहका सरकारी कर्मचारीहरुलाई पनि वितरण गर्छ । यसो गर्दा एनसेलले ठूलो धनराशी त खर्च गर्नु पर्दैन तर यस्तो सुविधा लिनेहरु सधै एनसेलसँग नतमस्तक हुनेछन भन्ने विश्वासका आधारमा यो तरिका अपनाइएको जानकारहरु बताउँछन् ।

केही कर्मचारी, नेता, उनीहरुको परिवारका सदस्यहरुले प्रयोग गर्ने केही निःशुल्क नम्बरहरु पनि नेपाल आजलाई प्राप्त भएको छ । ती नम्बरका बारेमा थप अध्ययन भइरहेको छ ।

एनसेलले विशेषगरी आफूलाई काम लाग्ने सरकारी अड्डाका कर्मचारीलाई यस्तो सिम बाँड्ने गरेको स्रोतको दाबी छ । जसअनुशार नेपाल दूरसञ्चार प्राधिकरणका माथिल्लो तहका कर्मचारीहरु, अख्तियारका प्रभावशाली कर्मचारीहरु, विभिन्न मन्त्रालयका माथिल्लो तहका कर्मचारी, नेपाल प्रहरीका उच्च तहका अधिकृतहरु, प्रभावशाली नेता आदिलाई दिइएको बुझिएकोछ । एनसेलले उपलब्ध गराएको महशुल नउठ्ने सिमको प्रयोग कतिपयले आफै गर्छन् । केहीले भने परिवारका सदस्य वा निकट व्यक्तिहरुलाई प्रयोग गर्न दिने गरेको स्रोतको भनाइ छ ।

एनसेलले सरकारलाई बुझाउन बाँकी पूँजीगत लाभकर बापत ३३ अर्ब रुपैयाँ बुझाउन बाँकी छ । यो रकम बुझाउन एनसेलले आनाकानी गरिरहेको छ । अर्कोतर्फ प्रधानमन्त्री पुष्पकमल दाहाल प्रचण्डले ३३ अर्ब करबाट एनसेललाई जोगाउन विभिन्न प्रपञ्च गरेपछि विषय चर्चामा आएको छ ।

पूर्वअर्थसचिव रामेश्वर खनालको मतमा यो पूँजीगत लाभकर कुनै पनि हालतमा छुट हुन सक्दैन । प्रधानमन्त्रीले चाहेर पनि यो कर छुट दिन सक्दैनन् । यसकारण यसको सबैभन्दा सजिलो उपाय भनेको एनसेललाई कर तिराउनु मात्रै हो ।

नेपाल आज अनलाईनबाट साभार गरिएको

प्रतिक्रिया दिनुहोस्
सम्बन्धित वर्गका समाचारहरू

परिस्थितिअनुसार को सरकारमा हुन्छ, भन्न सकिँदैन : अध्यक्ष ओली

 फागुन १८,काठमाडौं । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नेपालमा अहिलेको राजनीतिक

झिनो अङ्कले घट्यो नेप्से

फागुन १६, काठमाडौँ । नेपाल स्टक एक्सचेन्ज (नेप्से) परिसूचकमा सामान्य अङ्कको गिरावट देखिएको छ ।

आजदेखि एमाले केन्द्रीय कमिटी बैठक

फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक

संसदमा गहकिलो बन्न निर्देशन

 माघ २२,काठमाडौँ,। नेपाल कम्युनिस्ट पार्टी (एमाले) का अध्यक्ष केपी शर्मा ओलीले संसद्मा गहकिलो ढङ्गले गलत

रास्वपाको राष्ट्रव्यापी दबाब अभियान आजदेखि सुरु

सिन्धुपाल्चोक, माघ२१  गते । राष्ट्रिय स्वतन्त्र पार्टी (रास्वपा)ले आजदेखि ‘राष्ट्रव्यापी दबाब अभियान’सुरुआत गर्ने भएको छ

काभ्रेमा माओवादी परित्याग गरी ४५ जना एमालेमा प्रवेश

काभ्रे, माघ १८ बनेपा। नेकपा माओवादी केन्द्र पार्टी परित्याग गरी कम्युनिष्ट पृष्ठभुमी बोकेका ४५ जना