काठमाडौं, ९ फागुन । मन्त्रीपरिषदको बैठकले आगामी वैशाख ३१ गते स्थानीय तहको निर्वाचन गर्ने घोषणा गरेको छ । मधेसी मोर्चाको विरोधका बीच सरकारले स्थानीय चुनावको मिति घोषणा गरेको छ ।
सोमबार राति बसेको मन्त्रिपरिषद्को तेस्रो बैठकले स्थानीय चुनावको मिति गर्ने निर्णय गरेको हो । सरकारले निर्वाचन आयोगसँगको परामर्शमा ३१ गते स्थानीय तहको चुनाव गर्ने घोषणा गरेको हो ।
सुरुमा दुई चरणमा स्थानीय तहको निर्वाचन गर्ने बताइए पनि सत्तारुढ दल नेपाली कांग्रेस र माओवादीको बैठकपछि सरकारले एकै चरणमा स्थानीय चुनाव गर्ने घोषणा गरेको छ ।
